لقاء مع الشاعر : محمد بن غازي الشيباني العتيبي

[منصور بن فهيد]

المشاركة الأصلية كتبت بواسطة محمد غازي الشيباني

اهلا بعودتك

واسعدني حقا اهتمامك وهذا شرف لي يا منصور


تم تكليفي بهذا الشرف من معالي محافظ الطائف منذ صيف عام 1419 هجرية

نعم هناك معايير كثيرة لاختيار الشعراء المشاركين في امسيات صيف الطائف .. من اهمها على سبيل المثال يا منصور:
جماهيرية الشاعر, ومستواه الشعري .

اما بالنسبة لسؤالك عن علاقتي بعبدالمحسن نوار
فهو صديقي واخي وزميلي في عضوية اللجنة الشعرية ناهيك عن انه جزء لا يتجزأ من ذاتي.

ياحلو كلمة سم لا قلت لي سم .... احسها متمكنه بالحنايا

ابشر

ياحلو كلمة سم لا قلتلي سم=احسها متمكنه بالحنايا
وارجع اكرر غلطة الشوق وازهم=وتردها وتبذ كل الخفايا
يا كم سمعنا سم يا كم يا كم = لكن من شفاتك تسوي سوايا
ارق من صوت العصافير وارحم= من عاطفة طفلٍ يضم الهدايا
واعذب من الما باول الصيف واطعم= من بوسة اللي صادقٍ فالنوايا
عطني علومك بعدها لا تلعثم = في ذمتي مشتاق اشوف الثنايا
الليل توه وانت يا سيدي عم = كل المكان ملبسينه مرايا
امر وقول اللي تبي يا بعدهم = شف صورتك غطت جميع الزوايا
ترى الحياه ابدون حب وغلا هم = الحب نعمه يا رقيق السجايا
هذي يديني مدت اكفوفها قم = صافح يدينٍ جت تشيل التحايا
ان طعتني قرب على صدري وضم = قلبٍ اليعطى ما يمن العطايا
لا لا تفرق يا الغضي غيمٍ التم = قبل النفس يروي ظماك وظمايا
ومن بعدها يا صاحبي فالحشا نم = غمض عيونك لا تعد الخطايا
وان قلت انا يا سيدي يا بعدهم = ما نيب كاذب وانت داخل حشايا

محمد غازي الشيباني

لك تقديري واحترامي

صح لسانك وبيض الله وجهك يابو غازي قصيده عاطفيه من اجمل ماقرأت ..

يسلم بوحك يالغالي ..