العازمي
لا حد يفرع لاحد يمسك نويت الشاعر المذكور = ابن ثعلي علي يكتب وصاته يالله الخيره
حلفت انّي لاسوقه سوق مثل البدو والمظهور = عن الشعار واهل الشعر ياخذ كرت تسفيره
علي فلاح العضياني
أنا خابرك ما ترتاح لين أضربك بالباكور=ابن ثعلي تعرفه من قديم الوقت ما غيره
يا عيد العازمي ما أنته على درب الخطر مجبور=ما أبا أخلّيك عبره ثمّ تصبح سيرتك سيره
العازمي
بيوتي واحدٍ منها يوقّف لقمتك بالزور = معك ماستخدم اي سلاح ,,مانته محمل اذخيره
نبا ناخذ من الجزلات واعقبنا وتلقى سور = عسى (لوزين )تصنعلك من المعمول تصبيره
علي فلاح العضياني
هذا لو إنّي العب يا وسيع العرف مع مستور=لكنّ العازمي خانه ( على ما قيل ) تعبيره
ليا منّي عقبتك يا ولد عاصي على الميسور=أبا أشكّر و أقول العازمي ذا لا كثر خيره
العازمي
تحلّم يمكن الاحلام تجبر خاطرٍ مكسور = بعد ماصرت للشعّار تونيسه وتمريره
تحرّف ماتحرّف يحكم الشعار والجمهور= تشكّر وانت ماضفت العرب مسمور فالديره
علي فلاح العضياني
عسا يغفر لي الله يوم حمّلتك حمول الجور= أبا آعالجك و أعطيك إبره تخدّرك تخديره
على راسه يضوّيها و هذي عادة المغرور=و ألآ يا ناس هذا الرجل مدري كيف تفكيره !!!
العازمي
هرجنا بالحقيقه والغليّم كل هرجه زور = وهاذي شئ عادي عادةٍ في ميّت النيره
تباتلعب على الحدري بعد تتعب من المجرور = ابن ثعلي مع الحره تبا تكثر مداويره
علي فلاح العضياني
لا والله غير تهرج و انت ما تدري بدون شعور=هروجٍ تفقد اللي قالها يا عيد تقديره
علاك أبا اركي الصّالي و موعدنا طلوع النور=وإذا أصبحت متعافي دقّها نومه و تصفيره
العازمي
ترى تقديرنا نلقاه عند اللي طويل اشبور = وشروايه وشرواك انت ماتقبل معاذيره
من االلاله وانا اذر الكحل وسط العيون العور = هرجنا وانتهينا وانت عقلك فيه تحجيره
علي فلاح العضياني
حلمت إليا على راسك يابن عاصي تحوم طيور=لكن شف لك مفسّر حلم و يجيب لك تفسيره
صحيح العازمي كحله بعينه يا عرب مذرور=علي بكره يبا يكتب و يرفع فيك تقريره
« آخـــر الـــمـــشـــاركــــات »
04-Jun-2008, 12:00 AM
العرض الشجري