علي فلاح العضياني
يا بندر المرشدي يبني و بينك علوم=فيها مشاريه يارجال و مفاهمه
انته لك اسبوع يابندر تشنّ الهجوم=وانته منوّل علومك كلها غانمه
بندر المرشدي
هات السوالف وخل الناس تسمع عموم=وانكان منّا غلط فأحقوقكم والمه
ياعلي لا تلقي الشرهة عليّ وتلوم=اللي يجيب الخطاء عقوبته صارمه
علي فلاح العضياني
ما دام ما انته بصاحب صنف مالك لزوم=العافيه لو تطوّل ماهي بدايمه
يا بندر انته مكرّم عندنا ومحشوم=واليوم ما اريد احطّك فآخر القايمه
بندر المرشدي
الشمس لا بينت غاب القمر والنجوم=ياللي من الحق كأن كبودكم حايمة
ياعلي ياجعلهم يفدوك كل الرخوم=وش في مشاعرك يم افريقيا هايمه
علي فلاح العضياني
ياللي تبي مكّه و ماسك طريق الجموم=الله وانا طالبه يحسن لك الخاتمه
الناس تاصل ليا سطح القمر كل يوم=وانته عيونك ليا دايم وهي نايمه
بندر المرشدي
ياكثر ما تشتكي ياعلي لفح السموم=(لون السماء)!!.. هم قلبك.. دايم تزايمه
بعيرك اللي على خده تلوح الوسوم=ما وصلك للقمر بخفوفه الناعمة
علي فلاح العضياني
الحمد لله ما تطري عليّ الهموم=وبالحقّ أخاصم و يقنع من هو آخاصمه
خلّ الشلاوى يابن مرشد وخلّ البقوم=لوّ العرب تهتوش في فندق العاصمه
بندر المرشدي
مادام ما به هدف والأمر غير محسوم=ارفع يدينك ليا شفت العدا قادمه
وانا على شأنهم والله ما أعقد الكموم=العالم اللي على بحر اللهو عايمة
« آخـــر الـــمـــشـــاركــــات »
02-Jun-2008, 05:32 PM
العرض الشجري