يالله ياجال الامور المهمة =تجلا وهج قلب برا حال راعيه
البر دجته والبحر رحت يمه =يقطعك ياحظ على الله مساعيه
يوم ان ولد اللاش رزقه على امه =رزقي على اللي ميت القشع يحييه
يامل قلب كل ما مات همه =دارت دواليب الدهر لين تحييه
فراق شمل الناس عيا يلمه=وقت يشيب الراس من شاية فيه
احدٍ ينام وحط راسه بكمه =واحدٍ تخم النوم عينه وتخطيه
واحدٍ يحاول بالردى بنت عمه =واحدٍ يحاول ستر عذراء عوانيه
ماني وانا بندر ببياع دمه =يقطعك يابياع دمه ومهفيه
اللي يبيع لابسات الازمه =ثور يبا بيض الرعابيب تغنيه
يزعل ليا جت ليلة الدور يمه =يرضى بسوق المال فـ..خوه وفـ..ابيه
خطو البخيل الي كبيرٍ معمه=يقرا الكتاب وواجب الله يخليه
إما هرج لك في رفيقه بنمه=والا عطا وامه تضيع هقاويه
انشدك ياللي كل فرض تتمه=تقرا الكتاب وكل فرض تصليه
ويش القليب اللي غميق مجمه =مافاد غرسه ماه .. عطشى سوانيه
تخالف الانظار شرق ويمه =وكل هدف رآيه من الناس مرضيه
سم السبب ياعارف عنه سمه =سم السبب ياعارفه قبل اسميه !!
الله عليك أخوي " بحر النسيان "
أحسنت الإختيــــــــــار ...
لا هنــــــــت والله ...
وسلمت يمينك التي نقلت لنا هذه القصيدة ...
التي أصبح معظم أبياتها مضرب مثــل ...
تحيااااااااااتي
« آخـــر الـــمـــشـــاركــــات »
12-Jan-2005, 07:16 AM
العرض الشجري