حنا عرب فينا الشجاعه طبيعه

[المعتصم بالله]

الحمدلله ما نعكس الشريعة=ماشين مع هدي النبي والصحابه
الدين طبٍ للقلوب الوجيعة=يعالج المرضان يبري صوابه
حنا عرب تاريخنا ما نبيعه=يبقى رغم كيد الحسد والعصابه
حنا عرب فينا الشجاعه طبيعه=للسلم سلم و للحرابه حرابه
الله خلقنا منزلتنا رفيعه=عن الامم نفرق بقدر ومهابه
ما فات ثابت والثوابت وديعه=واللي يفك وداعته يا عذابه
اليوم جتنا هجمتينٍ سريعه=عدونا جيعان ويحد نابه
الغرب جانا بالعلوم الفضيعه=يدس سمه بالعسل مع زهابه
حربٍ على المكشوف واخرى خديعه=والداب سمه من فمه في لعابه
جتنا وسايل انحرافٍ مريعه=يبون تدمير القيم والقرابه
لكن سيف النصر نبغى لميعه=فالساحه اللي كلبوها خرابه
في ما مضى قادات و صرنا تبيعه=تكفون هبوا او غدينا نهابه

[احمد الزايدي]

صح السانك وأعتلا شأنك


قصيده جزله بيض الله وجهك


احترامي وتقديري لشاعرها

[هيض القصيد]

قصيده جزله بيض الله وجهك

تحياتى و اعجابى

[المعتصم بالله]

أحمد الزايدي

صح الله لسانك واعلا شانك

مروووورك يشرف اخوك

تحياتي