جاتك يالخراص الله يعينك على التعب والسهر

[مشتــــاق]

نادر

صح لسانك مليون

سر ياقلم من داخل الروح ياليت=تخرج هموم ٍفعلهنه عطيبي
وقل لابن مقعد خافياتٍ مكابيت=تداخلت عبر الزمان الصعيبي
تجري دواليب الدهر والمواقيت=سبحان عالم غيبها والرقيبي
ومع دورة الايام والوقت عانيت=ومن كثر ماعانيت لاح المشيبي
احاول بعسرات الايام وازريت=واعيش كني بارض نجدٍ غريبي
وقلبي غدا مرما سهوم ٍ مشاويت=سهم ٍ تحاشيته وسهم ٍ يصيبي
وماجاد حظي بالمنى لو تمنيت=يالله دخيلك من رداة النصيبي
سارت بي الاعوام واقبلت واقفيت=والعمر مصروفه على حساب جيبي
ماحدٍ عطاني لا ولا احدٍ ترجيت=غير الكريم اللي لعبده قريبي
امشي على سلوم ٍ وفيها تربيت=سيرة رجال ٍ شمسها ماتغيبي
ماغاب غير اللي بقربه تناسيت=هم الزمان وكل جرح ٍصويبي
من بعدها لاني بحي ٍ ولاميت=ونسيت يابنيدر ملامح حبيبي
هاذي ثمان سنين له يوم عديت=وله ذكرياتٍ طيفها ملتويبي
كم ليلةٍ بضيافة الطيف حليت=وعندي ليا ناديت له يستجيبي
حلم ٍ بلا نوم ٍ وبالفكر تشتيت=وذكرى غرام ٍ بالخيال تغديبي
أخفيت حبه عن عذولي وداريت=فيه الحلا والزين وصفه عجيبي
الشعر لون الليل والخد كالليت=وطرفٍ حور وان سلهمت ينتهيبي
صبرت لين اتعبت حالي ومليت=وجرحي عجز فيه الدوا والطبيبي
وضحت لك ما لاج بالصدر وابديت=لو شفتني مسرور لك بان غيبي
تمت ولك مني سلام ٍ وحييت=يالشاعر اللي فيك نخوه وطيبي

نادره من نوادر هذا المنتدى الرائع