علي فلاح العضياني=
علّموا سلطان بن عبدالله ... الله لا يهينه=إيتقدّم للقضـا ولاّ يوكّـل لـه محامـي
وإن حضر فالمحكمه يا زينها بيني و بينه=الدلايل عندنا توجـب معاقبـة الحرامـي
سلطان عبدالله الجذع=
من يناديني وأجي له ياعسى ربـي يعينـه=غير علّي ليا سمعت علومه أهديه السلامي
الدليل اللي معك صاحبـك لايمكـن يدينـه=كل ماجينا نخبط الغصن ويطيـر الحمامـي
علي فلاح العضياني=
الجذع طيّب و لا يرفع معي حجّان عينـه=و إليا جيته قام و أعطاني تحيّه وإحترامي
السفينه حكمهـا بيديـن ربّـان السفينـه=وانت لا تخطي على الركاب و تغرّ النظامي
سلطان عبدالله الجذع=
البعير شعيل مانعرف هديرة من حنينـه=عاقلينه بالعقال وخاطمينـه بالخطامـي
ماات ربان السفينه ياعلي موت الدفينه=الله اكبر ويش نرجي فالقبور ام العظامي
علي فلاح العضياني=
فيك عـاده يـا وسيـع المعرفـه ماهـي بزينـه=كيف تستغفل عقـول النـاس و تعيـد الكلامـي
إنشد السلمـان والسبعـان و مطيـر و جهينـه=من هو أقوى فالعرب شاعر ؟ ... يقولون الزلامي
سلطان عبدالله الجذع=
الكلام اصله معاد من العوارف سامعينـه=وانت ماانت مشككٍ فذخيرتي والا حزامـي
بارك الله فالزلامي طوّل الله فـي سنينـه=مار لاتنسى العصيمي فالمواقف والزحاامي
علي فلاح العضياني=
خلها حاضر بحاضر بيننا مافيـه دينـه=أثرك اللي ما يفرّق فالحلال و فالحرامي
يا ولد عمّي تشهّد ساع موتك حان حينه=بكره يقولون عانه مات جعله للرحامـي
سلطان عبدالله الجذع=
أنصحوا لي علي جعل الله يرحـم والدينـه=لااتحمل لي على هجده من عتيبه ملامـي
البنادم فالقدر ياصاحبـي روحـه رهينـه= ولن قمرنا غاااب قلي كيف تسري فالظلامي
بيض الله وجيهكم
ياعتابه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
22-May-2008, 10:36 PM
العرض العادي
