الحرب الضروس ( مقعد الدغيلبي ) داهية الهيلا

[سعود العصيمي]

العازمي=
الغرور اللي تشيله يابو فيصل لـه نهايـه=بين كلمه من لسان وبين طلقه من رصاصي
القلوب الصافيـه للمسلـم العاقـل مرايـه=تحسبنّك مثل مستور العصيمي وابن عاصي

مقعدالدغيلبي=
بارك الله فيك وانته من تحت فيّة عصايـه=من شبابك لين حتى عندك اتشيب النواصي
الكلام اللي تقوله ليسا لي مقصـد وغايـه=يابن عاصي بعد ساعه لاتدور للخلاصـي

العازمي=
كان ألك صوله وجوله قبل تاقع في يدايه=لاحضرنا يبطل التقليد بأهل الاختصاصي
بيني وبينك تبا تتعب من الممشا ورايه=لين حتى توبتك يدريبها داني وقاصـي

مقعدالدغيلبي=
الدعايه ماتفيـدك لـو تسويلـك دعايـه=قوتك يالعازمي تبطل قدم سلكـي وماصـي
كلمةٍ من عند مقعد تدّخلك جـوف العنايـه=انشد اللي فالبحور الهوج قد جرب وغاصي

العازمي=
من فعل يمناي فوق الرجم قـد رزيـت رايـه=ماحداني عنك غير الخوف من بعض المعاصي
لن وردت العد مايقصر على المـارد رشايـه=وان نظرت ابعيني ال مقعد عن المارود حاصي

مقعدالدغيلبي=
لاتجمع لك جموع وتتعب تـدّور رضايـه=مختبص وارحمك مانبغى نزوّدك اختباصي
لو تزوّد في رشاكـم مايوصلكـم سمايـه=لاتغرك دلتك ياعيـد والتمـر الخلاصـي

العازمي=
ودّي اعتبرك صديق آآخاف تطلع من عدايه=والعدا ماطلب رضاهم لو تاصل للقواصـي
الكلام اللـي تقولـه مايوصّـل مستوايـه=ودّي احجزلك مكانه مع بعيديـن المناصـي

مقعدالدغيلبي=
ماتمشيهـا عليّـه يالعلـك بالهـدايـه=لاتعّرض للخطوط وتصتدم في كل باصي
انت مثل اللي نزيله في ميادين الرمايه=لمتى ياعيد تبقى بين زودٍ وانتقاصـي