سلطان الجـذع
ياابو لمار أبا انشدك ...وش يقرب لك أبليس =اذا ماانته بأخوه... انت اكيد اكبر عياله
تعلمك الليالي ...وتخلفك الهواجيس = ليا هالحين عقلك تحت... رهن الجهاله
ابو لمار
اخوك من الرضاعه اخوّة رضعة الديس = وموعدكم جهنم مع اصحاب الضلاله
انا وش لون ابلقى ذهب عند المفاليس = وسلطان الجذع للشعر فاتح بقاله
سلطان الجـذع
مقامه مع مقامك ...وله عندك مجاليس =مجالك مقترن... ياصحيبي مع مجاله
تراك بديرة مقلطين... السيف والكيس =لكن الضيف ماسد... حاله راس ماله
ابو لمار
لحسك ابليس واصبحت من ضمن الملاحيس = مجاله في الغوايه وعلمك النذاله
تنومس عند ربعك وغرّتك النواميس = عطوك البندقه مير ضوّيت الفشاله
سلطان الجـذع
أشوف الهزل في مجمل اقوالك بلا قيس =ابو لمار معروف مايترك خباله
انا بيتي مسيس على الطالات تأسيس =وبن سفيان يصفق يمينه في شماله
ابو لمار
علوم الهزل عندك بلا وزن ومقاييس = تهبّل مير خلك على هذي الهباله
تقوله يالعتيبي وهرجك فيه تدليس = وبن سفيان معروف من قوم الشكاله
« آخـــر الـــمـــشـــاركــــات »
16-May-2008, 03:58 AM
العرض الشجري