من غبت غاب الهم ويعود لاجيت - عسا رجوعك مايجيله مجالي ...

[بدرالهبيري]

السلام عليكم ورحمة الله وبركاته ...



اخواني الاعضاء الكرام اهدي لكم هذه
القصيده واسف على كثر نزف القصائد
ولكن تحملوني يالغالين .. اترككم معها ..

ياللي هجرت القلب غاوي وهفّيت = عسى مهف امقيط خلف الحبالي
من غبت غاب الهم ويعود لاجيت=عسا رجوعك مايجيله مجالي
عندي اعلوم ازيارتك للسرابيت =جاني خبرها يم هاك المفالي
صن وحكم والا على شبّ كبريت=جالس طرف معهم وعندي اموالي
ماهم بمعطينك ربع مالك اعطيت=واقولها واثبت عليها مقالي
افرحتبي ياشين كل الشماميت=وانكرتني واِلهم وهبت الوصالي
اخطيت في حقي هكاليوم واقفيت=ولااعتذرت امن الخطا ياحلالي
خلاص فات الوقت ياهافي الصيت = دربي يميني وانت دربك شمالي
وان كان شدّيتوا وغيرتوا البيت=ترى ابرك الساعات ياهملالي
اقلـّــها مااشوفك ان كان مريت=وجه التعيس اللي يجيب الهزالي
لاعاده اللي يوم شرواك خاويت = يوم اعتبرتك مسندي من هبالي
اثرك بدربي تزرع الشوك واسقيت = زرعك من ادموعي بكثر النكالي
عليك صبري طال وقته وقاسيت = بيني وبينك كل ليله قتالي
كم قلتلك لاتحدّني مير مااوحيت =مغرور حتى في جواب وسؤالي
احسْ بك لاضقت وااقول ياليت = ضيقتك فيني والهنا لك هنالي
لاشك انا فيني ولايوم حسيت = ينسرْ بالك كل ماضاق بالي
كم لااجلك بعمري من ايام ضحيت=لكن بها شفتك غدر ماتبالي
هاك الخطا فات العذر عنه وابطيت = كم انتضرتك لكن الشك زالي
راسك كبر وانا من الوضع ملــّــيت = واليوم ماينفعك كبر وتعالي
جاني بديلك يوم عني تخليت = وانا ترى مااضن تلقى بدالي

وسلامتكم يالربع ...

تحياتي وتقديري .. بدرعيد ..

[عيسى العوفي]

صح لسانك يابدر
قصيدة
وافيه وانتي وافي

[عبدالله الجـــذع]

اثرك بدربي تزرع الشوك واسقيت
زرعك مـن ادموعـي بكثـر النكالـي

الله يابدر

بالعكس ارويتنا يابدر بهالرائعه الجميله

صح لسانك وقلبك

والله لايريك مكروه يالغالي


ننتظر جديدك

محبك


,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدرالهبيري]

ياهلا والله ياولد العم عيسى العوفي وصح بدنك
ماقصرت على الحضور يالوافي ...
تحياتي وتقديري .. بدرعيد ..

[بدرالهبيري]

المشاركة الأصلية كتبت بواسطة عبدالله الجـــذع

اثرك بدربي تزرع الشوك واسقيت
زرعك مـن ادموعـي بكثـر النكالـي

الله يابدر

بالعكس ارويتنا يابدر بهالرائعه الجميله

صح لسانك وقلبك

والله لايريك مكروه يالغالي


ننتظر جديدك

محبك


,

ياهلا والله ياعبدالله وصح بدنك واتشرف
بردك واطراءك على نصي المتواضع جدا ً
لاهنت على الحضور العذب والرائع ..
تحياتي وتقديري .. بدرعيد ..

[معجب العتيبي]

صح لسانك

قصيده جميله ولو ان بعض ابياتها مباشره جدا يعني ترووووووع هههههههه


ننتظر ابداعاتك يالهيبري

شكرا لك

التوقيع

[بدرالهبيري]

المشاركة الأصلية كتبت بواسطة معجب العتيبي

صح لسانك

قصيده جميله ولو ان بعض ابياتها مباشره جدا يعني ترووووووع هههههههه


ننتظر ابداعاتك يالهيبري

شكرا لك

ياهلا والله يامعجب وصح بدنك ..

أما مباشره
أحسك سلطان العميمي مادري ليه

هههه بيض الله وجهك يالغالي وماقصرت
أضحك الله سنك ..
تحياتي وتقديري .. بدرعيد ..

[نايف عريب الجد]

صح السانك يابوعيد قصيده جزله من جزل

[ولد ذايب]

اقلّـهـا مااشـوفـك ان كــان مـريــت
وجه التعيس اللـي يجيـب الهزالـي

صح لسانك

حزله من جزل

اقلّـهـا مااشـوفـك ان كــان مـريــت
وجه التعيس اللـي يجيـب الهزالـي

اقلّـهـا مااشـوفـك ان كــان مـريــت
وجه التعيس اللـي يجيـب الهزالـي

اقلّـهـا مااشـوفـك ان كــان مـريــت
وجه التعيس اللـي يجيـب الهزالـي

[بدرالهبيري]

الاخ نايف عريب الجد شكرا ً على حضورك يالغالي
تحياتي وتقديري .. بدرعيد ..