يـــــــــــافـــــهــــــد

[فهيد مقعد الرويس]

المشاركة الأصلية كتبت بواسطة أبو مناسيب

بسم الله الرحمن الرحيم

قصيده غزليه أمل أن تحوز على رضاكم

الحال ينحل يافهد والزمن جار=والهم يكبر في حنايا ضلوعي
والعين تدمع كنها وبل الامطار=والجرح ينزف والمحبه تروعي
والحال مامن حال والوقت دوار=وأنا بوقتي عقب شوفه جزوعي
ضربت في بحر الهواجيس مشوار=واستقت فكري مانويت الرجوعي
على الذي زينه جذب كل الانظار=كل البشر لجله تهل الدموعي
زينه هذا طاغي وطايش وجبار=ينزع قلوب أهل المحبه نزوعي
يجعل قلوب الناس بالزين تحتار=يسحر ويقهر بالجفا كل دوعي
في وصف زينه مايوفن الأشعار=لو أوصفه من قمته للخضوعي
لو قلت له عين(ن) سهمها كما النار=اللي كواياها تدامى وتوعي
يجذب هدبها ناضج الفكر وصغار=ومع رسمة الحجان كل(ن) يتوعي
متقادي(ن) من أيمن العين ويسار=أقواس عينينه فريدات نوعي
من رسمته كل البني منه تغتار=تقول رسم اللي بفنه وسوعي
وبين العيون إنزل وتبهرك الأنظار=بشوفة خشم عليه وصف البتوعي
وإن ملت للخدين بالناظر أمرار=منته عن سهومه بقلبك منوعي
مثل الورود الظاهره بين الأزهار=وأخذت سطوع أنوار ضي الشموعي
وإليا نظرت الفم ياكثر الأخطار=جمره على جمره ومبسم لموعي
غير رقبتها وعمرها بين الأعمار=لو شفت مثله يمكن أحب كوعي
ياوجد حالي سبته وجد منهار=اللي يئس من وصل خل(ن) قطوعي
يقعد وحيد ولا تكلم بالأسرار=يهل دمعه هل من جاه جوعي
أقولها وأنا على الهم صبار=واللي بلاه الحب ماهو متوعي

وسلامتكم

صح السانك

يابومناسيب

رائعه لاهنت

تقبل تحيتي وتقديري

[محمد النخيش]

النخيش صح بدنك ولاهنت اسعدني مرورك

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[محمد النخيش]

معجب العتيبي صح بدنك ولاهنت على المتابعه


وقسم المحاوره جايكم بس والله اني يالله افضي انزل قصيده

بس لايهمك جايك عن قريب

[محمد النخيش]

فهيد الرويس صح بدنك ولاهنت على المتابعه


والاروع وجودك يالغالي

تحياتي

[محمد النخيش]

صح بدنك يابو مفلح ولاهنت على الحظور والمتابعه

والابداع وجودك يابو مفلح



تحياتي