معجب العتيبي
الصاحب اللي غاب من عدة ايام=لابد مايشرح سبايب غيابه
هو من هموم الوقت بالحيل منضام=والا انشغل فالعمر يطرد سرابه
نايف بن ملحق الثعلي
الله يعز الدين ويعز الاسلام=مانيب غايب عن قبيلة عتابه
الليل شدالحيل والدرب قدام=ياذيب جر الصوت قدمك ذيابه
معجب العتيبي
ياصاحبي من غاب ماهوب منلام=الا الخوي اللي عزيزٍ جنابه
وليا نشدتك لاتغط ابك الاحلام=وتروح يارجال فيها نهابه
نايف بن ملحق الثعلي
يامعجب انته لا تزلبك الاقدام=انا معك سيف جويد نصابه
انتم تجمعتو سوي ياهل الشام=يا صحابنا الي كلبوكم عصابه
معجب العتيبي
ياللي تبا العمره ترا قبلها احرام=والدين لازم تجتهد في صوابه
انته تمط الحرف وتزيد الارقام=حاول تنظم دفترك للكتابه
نايف بن ملحق الثعلي
ماغش معجب غير فكره والاوهام=والوقت حطه بين ضرسه ونابه
ام الكباير تنتظركم من العام=والعلم بعض اصحابنا مادرابه
معجب العتيبي
كتبتلك علمي وجفنّ الاقلام=الظاهر ان العلم عوّد طلابه
نايف ولد ملحق متابع للأفلام=يمكن بعد عامين يفقد صوابه
نايف بن ملحق الثعلي
عز الله انك رجل عزام جزام=علمن بليا فايده وش تبابه
يا صحابنا الي حظكم مابعد قام=تري اليالي ميلتن ونقلابه
معجب العتيبي
العلم للي يحكم العلم بأحكام=ماهوب للي كل دربٍ غدابه
اصحابنا عن كلمة الحق صيام=مدري سؤالٍ مر صعبٍ جوابه
نايف بن ملحق الثعلي
نعرف علوم الي يعبدون الاصنام=والجاهل الي ماحسبنا حسابه
يامعجب انته لو تحزمت بحزام=كلن علي قده نفصل ثيابه
معجب العتيبي
يسلم من التزوير واحكام الاعدام=اللي درس علم العدو في شبابه
خابرك يانايف من العام رسام=ومن غير المهنه تجيه الرقابه
« آخـــر الـــمـــشـــاركــــات »
10-May-2008, 12:34 AM
العرض الشجري