القنوات الشعرية..........وفكرة يسيل لها اللعاب

[أبوأنس العتيبي]

السلام عليكم ورحمه الله


في البداية ارجوا من الاخوة المشرفين ان تتسع صدورهم لنا

دائم منتدى عتيبة ساحة للحوار ومافيه شيء الواحد يعبر عن رايه


اخواني الكرام منذ ان انطلق البرنامج الهالك شارع الطرارين(شاعر المليون)

وبداء بفكرة التصويت والدندنه على الاوتار القبلية


وقد جنى هذا البرنامج الاموال الطائلة من جيوب الضعوف المساكين(وآخر شيء خروج من المولد بلا حمص )



شاعر المليون هذا فتح شهية بعض القنوات الشعرية واعطاهم فكرة بالمجان يسيل لها اللعاب


دعونا نفكر بعقل الجائزة مليون والمتسابقين 48 لو شفنا الاموال التي تجمع لهؤلاء المتسابقين لوجدنها بالملايين قيمة الرسالة الواحدة اربع ريالات

والنتيجة الفائز واحد وجاي بالواسطة!!



اقول لجميع الشعراء المشاركين في البرامج الشعرية مقولة دائم يقولونها شيبانا الله يطول بعمارهم((الشيء لاطال سمج))

وانتم سمجتوها زيادة بدخولكم في هذي البرامج اللي تسرق جيوب محبيكم وابناء القبيايل الكريمة


عيب والله عيب
الواحد يستفز بهذي الطريقة شاعر ولك مكانتك ويعرضونك للتصويت يعني مثل اللي يقول ياشاري



واتمنى من الاخوة اهل النخوة والحمية عدم الانجراف وراء هذي البرامج واحفظ ريالك لهلك وبيتك



في الختام هذا راي الشخصي ولا يعبر عن راي المنتدى


ان أصبت فمن الله وإن اخطأت فمن الشيطان ونفسي ..


تحياتي لكم

[ابو سعود الجذع]

لاهنت كلامك كله منطقي

[ابو عطا]

الله عليك اصبت ماتريد ..كلام عين العقل .

[/عبد العزيز الجذع/]

لا فض فوك يابو انس....




تحياتي...

[الكنق]

صح لســــانــــــك

[ياســر العتيبي]

أبو أنس العتيبي

كلامك عين العقل ولافيه تشكيك

لكن راسي يشوش لياشفت واحد من عتيبه يحتاجني والله لو أدري إنه مهوب ناجح إني لصوّت لين ينقطع صوتي

والله لاقف مع بني عمي لو يصير اللي يصير



وراس ٍ مافيه حميّا عساه للدفن



وهاذي وجهة نظري الخاصه ..

عفواً
أود المغادرهـ

[أبوأنس العتيبي]

السلام عليكم

تحية وبعد

شاكر مروركم الكريم


================================

الاخ الكريم ياسر العتيبي

كلنا فينا حميا عندنا وعندك خير

وعلشان كذا هم مسوين هالبرامج يعرفون يالبناخي من اين تؤكل الكتف


خلك اذكى منهم واسحب على مندوبهم

وابن عمك لاجاك في محلك عطه البن والهيل اما سالفة تصويت وماتصويت ماندري عن مدخاله ومخراجه قله يجب الله مطر


تحياتي

[عمر الدغيلبي]

كلام سليم

لاهنت

وتشكر عليه

دمت مبدعا

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[ياســر العتيبي]

هالكلام صحيح

ولافيه تشكيك .. لكن بالنسبة لكلمتي راس مافيه حميا عساه للدفن

مقصدي فيه إني صوت لكل من يمثلنا في أي مسابقه (وهالشيء بلا منّه) وأشوفه واجب علي .. ولاراح اتأخر عن أي شخص محتاج دعم .. سواء معنوي أو مادي .. وإن جاء أي شخص لأي فرد من أفراد لابتي عتيبه ماراح يذخر عليه شيء من الطيب وهالشيء مقيول من كل صاحب لأي فرد من افراد القبيله ..

واللي يثيرني عزة نفس كل متسابق مثلنا منذ قبل وأنتم شايفين وعارفين .. وهالشيء مناقض لبعض ممثلين بعض القبائل الأخرى .. هو التصريح بطلب الدعم ومن هذا القبيل .. وهالشيء من واجب كل القبائل لممثليهم .. لما فيه وضع روح الحماسه ووضع المسؤولية عليه كتمثيل للقبيلة وهالشيء راح يعطيه دافع قوي ولاراح يقصر صدقوني ليجي من اقصاهـ



إحترامي للجميع وعذراً لكل شخص فهم كلامي من ناحية أخرى كلنا عتيبه كلنا واحد ولافيكم قصور ولا يلحقني شكه في أي فرد من قبيلتي



ياسر

[أبوأنس العتيبي]

الاخ عمر العتيبي

شاكر مرورك


================================

الاخ ياسر العتيبي


اشوفك يالبناخي ملزم على التصويت


وش السر؟


على العموم الله اعلم بالنيات .......


اذا معك فلوس يالبناخي ارسل رقم جوالك على الخاص فيه عائلة محتاجة في حي النظيم تبي لو ربع مايروح لهذي القنوات النصابة.....