ناصر الجلاه
بدر المطيري يزور المنتدى من عشرة ايام=وإن زارنا الضيف بالماجوب حنا نستضيفه
إن كنت للمعركه والحرب يارجال مقدام=حنا رجالٍ نشوم اعن الهزيله والضعيفه
بدر المطيري
بدر المطيري مع العتبان لو يأخذ له اعوام=ماظنتي يستضيق ألا من اعقول ٍ خفيفه
ياصاحبي كان حربك بالملاقاء حرب صدام=انا مادور معك حرب المناصب والوظيفه
ناصر الجلاه
نبى نسوق الركايب يابدر والدرب قدام=وأهل العيون البصيره ماتشبه بالكفيفه
لا والله ألا هاجد القوم مثل اللي ورى العام=الحر من ماكره والذيب يعرف من هريفه
بدر المطيري
انا ابا اسوق المطيه والوعد ياناصر الشام=لو هالمسيره على الفاطر وسايقها كليفه
لاتعيش باوهام تقضي عمرك المبروك باوهام=ترا النفوس الشريفه ماتموت ألا شريفه
ناصر الجلاه
حنا سرينا مسار الذيب ياللي تجهم جهام=نقطع دروب الخطر لوإنها قدمك مخيفه
مادام عز النفوس إنا شعار :اقول مادام=تبقى عتيبه على الطاله وتبقى االزيف زيفه
بدر المطيري
يسري مسار الذيابه صاحب ٍ .صلى ولاصام=طير ٍ يرفرف جناحه مار مافاده رفيفه
المشكله كلها كثر الدعايه عند الاعلام=واليا نشدنا مانلقى امن السواليف النصيفه
ناصر الجلاه
المشكله كان بكره فالليال تطول الاقزام=وتصادم بروسها في جبال فالدنيا منيفه
امجادنا بنيها فالوقت يشبه بني الاهرام=وألا الدعايات للي يسبر الوقت وخريفه
بدر المطيري
مايصح يابن الحلال الحج غير بنية احرام=وشيء ٍ تبيه النفوس وشيء من شكله تعيفه
من نشدك يا عميل الخير عن تشبيك الالغام=ان طعتني خلها من بيننا علوم ٍ طريفه
ناصر الجلاه
اتعب فالايام لجلك يالمطيري تلبس وسام=ترى حياة البنادم في ليتلينا قصيفه
يامتهم للعرب بالغش وانته ضمن الايتام=البحر مانقصه يابدر من دلوك غريفه
« آخـــر الـــمـــشـــاركــــات »
24-Apr-2008, 03:33 AM
العرض الشجري