ربي مميز نادي النصر فالكون

[الشامخ.العتيبي]

ربي مميز نادي النصر فالكون=الشمس صفراء والسماء دوم زرقا
مطابقه بالوصف والفعل واللون=مهما تغيب تعود تسطع وتبقا
له ماضي(ن) كل البشر عنه يدرون=وله ماضي(ن) أصفى من الغير وأنقا
أصدح بها وأقول وأنتم توّحون=له ماضي(ن) مثبوت ماهوب سرقا
وله عادت(ن) مهما يغيب ويقولون=دايم بناره يحرق الخصم حرقا
ياما عطانا أمجاد ولحون وفنون=(( يطرب لها فوق الغصن طير ورقا ))
وإذا نزل كل الجماهير يقفون=رمز الوفاء مابينهم شبه طرقا
جمهورهم ذويق واعي ويوفون=على الحلو والمر في كل ملقا
لا والله إلاّ عاد وإبليس ملعون=ونبا نشوف أفراح (وحلوق شرقا)
ويوم الربوع إن كان عشتو تشوفون=العالمي فوق المنصات يرقا
يبا يسر عيون ويبكي عيون=وتشوف بعض الناس بالدمع غرقا
ويعود فارس نجد والحب مكنون=ويسطع شعاع الشمس غرب(ن) وشرقا
وموج البحر من ضربة الشمس مضمون=ومابين عالِ الكون والقاع فرقا
ولاهي غريبة نصرنا اليوم موزون=مادام فيهم نسل روق(ن) وبرقا

أخوكم / الشامخ العتيبي

القصيدة في صحيفة الوئام
http://www.alweeam.com/news/news.php...n=show&id=3143

[ذيب حلبان]

بيض الله وجهك أخوي ومشكور على هذه المشاركه وتقبلوا خالص تحياتي أخوكم ذيب حلبان

[محب الهيلا]

صح لسانك

ويعطيك العافية

[عبدالرحمن الهيلوم]

الله يوفقه ويفوز

[فهد رشيد الزلامي]

الشمس صفرا والسما دوم زرقا
مشكووووووووور وصح لسانك
ومافي حد احسن من حد وبدون تعصب

[هيض القصيد]

صح لسانك

ويعطيك العافية يا الغالي

[عبدالله الجـــذع]

يارجال يوم الأربعاء وعدكم يالنصراويين..

افرحوا افرحوا بالوصول للنهائي فلن تفرحون اكثر من ذلك هع..

علىالعموم صح لسانك يالشامخ..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فلاح الهاجري]

صح السانك والنصر كفوووووووووووووو وجمهوره كفوووووووووووووو ونصراوي وافتخر

[ابن البجاديه]

الوعد بكره


يوووم الربوووع


نبي نشوف كسوف الشمس النصراويه


هههههه


تقبل مروري

ولوانه ثقيل شوي

[محمد بن قميشه النفيعي]

الشامخ العتيبي

سجل حظوري من ضمن جماهير الوفاء لحضور النهائي

والوعد الربوع وتزين الطبوع

التاريخ يشهد للنصر 11 بطوله من امام الهلال وللهلال 3 امام النصر

اتمنى التوفيق للعالمي مع كل التقدير للهلال لعبين وجمهور