مرزوق حمدان العتيبي
.
تعال يامعجب تعال ولا توخر بالردود = بيني وبينك علم واضح ماتوقع تجهله
كنت احسب انك صاحب ٍ وافي ومطلاعك سنود = واثرك من اللي كل ماطال الزمن شان عمله
معجب العتيبي
ياصاحبي ياللي تنادي ليش جاوزت الحدود=حكم الشريعه سنة الهادي ورا ماتفعله
القول يامرزوق لاقلته ولا عندك شهود=مافيه شيخٍ ياوسيع العرف يبغى يقبله
مرزوق حمدان العتيبي
حكم الشريعه حكمنا مانقبل بحكم اليهود = لكن مشكلتك يامعجب شاعر ٍ فيك عجله
انته تواعد صاحبك واخلفت في كل الوعود = ابرك لحمل الحق ثم من فوق ذرعانك شله
معجب العتيبي
ياصاحبي فعلك هذا.. ماله مع العالم وجود=تنفي وتثبت ثم تنفي ثم ترجع تدبله
انا ليا واعدت ما اخلف..لين اشاهدلي صدود=واللي عليه الواجب المذكور لازم يكمله
مرزوق حمدان العتيبي
اللهُ اكبر كيف يامعجب على هذي جحود = ماقلت قولي غير لك عندي كبير المنزله
ان جيت ياعتيبي هلا ون رحت مرواح الوفود = من بعد هذي مانبا بيني ومن بينك صله
معجب العتيبي
العلم واضح والخبر في ام الجماجم والنفود=وان كان باقي شي في خاطرك يالغالي قله
لا لاتعاملني كذا مثل الحضارم والهنود=يمكن حصل فالسالفه جمله غريبه مهمله
مرزوق حمدان العتيبي
العلم واضح يارجل مافيه نقص وفيه زود = والرجل يحسب مخرجه من قبل يحسب مدخله
ترى الخطا عكس القدا ياللي تحذف بالحيود=مار امسك الدرب السوي قبل تجيك مفلفله
معجب العتيبي
ياصاحبي قلنا كذا ماودنا بيح السدود=لكن بعض الناس مايبغى السوالف مُجمله
ياصاحبي خالفت فالموضوع ترتيب البنود=واصبحت مثل اللي جمع بارود نار وشعله
مرزوق حمدان العتيبي
انته يامعجب مشكله بهذلت بــ فراد وجنود = انشهد انك يالعتيبي مشكله في مشكله
مابيني وبينك مجامل دامك اخلفت العهود = لكن ودك نشرح الموضوع ولا نقفله ؟
معجب العتيبي
ياصاحبي مرزوق وشبك ليش صحيت الرقود=السالفه غلطة وراحت فالليال الممحله
لكن عوضها فالليال المقبله عوّد واعود=رجع سفيرك لعمله وانا سفيري فعمله
« آخـــر الـــمـــشـــاركــــات »
28-Mar-2008, 11:45 PM
العرض الشجري