الكبتن ............ ابو زيد الهلالي

[معجب العتيبي]

علي فلاح العضياني

يالكبتن اللي فالمواقف مثل ابو زيد=مالك شبيهٍ غير ابو زيد الهلالي
وراك في تال الليالي جيت بالعيد؟؟=واصبحت شاره بين الاقصى و الموالي

كبتن عتيبه

من بعد جينا يالعتيبي فالمواعيد=ماباقي من الليل ياكود التوالي!!
لن كان تسمع مايقوله زيد وعبيد=اتزيد تسمع عنك علماً مايقالي!!

علي فلاح العضياني

قيّد بعارينك ياراع الذّود بالقيد=وان ما نفع عقّل يداها بالعقالي
كلٍ يبا يشهد معي من دون تشهيد=تراك ما تضحك على عقول الرجالي

كبتن عتيبه

ابعيرنا ماهو كما الحشو المفاريد=ياللي تقول الوسم فرقاب الجمالي!!
ياربعي العتبان ..مافيها مناقيد=دايم قريص الداب ..تفجعه الحبالي!!

علي فلاح العضياني

انته تريد السالفه موضه و تجديد؟=أجب بـــــ ( لا ) أو بــــ ( نعم ) على سوالي
ما نشري المقضاه من عسفان و قديد=مدام في سوق الغلا كل شيّ غالي

كبتن عتيبه

لن قلت (صح )اتقول ابا للعلم تأكيد=وان قلت(لا)والياك ..فالشارع تلالي!!
ياصاحبي مال السماء نهايه و تحديد=عد النجوم وقول للِه الكمالي!!

علي فلاح العضياني

يالطرقي اللي فوق ساقك تطوي البيد=جرّتك تعرف فالجنوب و فالشمالي
يشهد عليك المرشدي و العازمي عيد=المتّهم ما هو بري في كل حالي

كبتن عتيبه

يالمرَّي القصَّاص غثربت المواريد=وأنته مواريدك على العد الزلالي!!
اشهودكم منكم وفيكم يالأجاويد=وش رائك القاضي..يكون من العوالي!!

علي فلاح العضياني

من عاش بالحيله خسر ما يكسب الفيد=أنصحك جوز من الحيل والاحتيالي
برقا و روق توكّد الموضوع توكيد=عتيبه الهيلا كريمين السبالي

كبتن عتيبه

انته من أول يالعتيبي تذبح الصيد=واليوم تخطي فالرمي ياهملالي!!
والصيد خلّه للرجال أهل البواريد=اللي بنادقهم تجيب ابعد غزالي!!