والله ما اعلم لكن مثل ماقلت يازقينك وزين ابياتك لو انها سلمت من الشطر اللي ذكرته , لكن لا تمدح ترى بتهاوش انا وياك, وابشر بعزك , لكن انا يوم انتقد تراني مثل ماتقول احط نفسي قايلن القصيدة واشوف وش الدرب اللي للريجيل علي مير صار في معنى ولا في قافية ولا في لفظ ((تعرف مثل سوالف الشباب اللي تجي فالتلفزيون ماتصلح حتى سالفةفي مجالس الريجيل ,طراه اللفظ والمعنى, والامور واجد )), وانا بعد ماتصورتها شفت ان الشطر مايصلح بالنسبة للابيات اللي قبله واللي دونه, والله يحب اذا عمل احدكم عملا ان يتقنه.
وانا ترى ماني مسوي ناقد بس ودي ان المنتدى مايظلي مثل عامة المنتديات حنا ودنا انه يصير منتدى ثقافي بمايوجد فيه وكذلك زواره ودنا انهم مثقفين ولهوب منتدى ثقافي بالاسم مثل مايوجد في قطعة منتديات تضع في الصفحة الرئيسية ثقافي, وديني,...وليت الدين يسلم منهم ولا الثقافة معاد تدري وشنهي كلن يعني بها شي .
والله يحسن الخاتمه.
والله يصلحك ان شاء الله .
وشكرا على تحملك وسعة صدرك ليس انت فقط ولكن حتى المشرفين , الذين ربما أني تدخلت في بعض من مهامهم عن طيب نية , لأنهم ربما أنهم لايستطيعون الرد على كل موضوع,وبالتوفيق لكم أيها الجيل الجديد.
آخر تعديل العتيبي ناصر يوم 23-Mar-2008 في 05:53 PM.
« آخـــر الـــمـــشـــاركــــات »
23-Mar-2008, 05:50 PM
العرض الشجري