ناصرالمرشدي
سلام تسليم الرفيق اللي يعاتب له رفيق=كله على شان الموده والمعزه والغلا
يامعجب بن سعود ابو سلطان ضيعت الطريق=وانته وانا فبداية المشوار فالدرب زملا
معجب العتيبي
يامرحبا بالصاحب اللي من خويه مايضيق=كله على شان المعزه والصداقه ياملا
انته وانا ياصاحبي شخصين في نفس الفريق=والدرب واضح مانضيع ولا تلقينا الخلا
ناصرالمرشدي
شي يليق وشي يامعجب لا والله مايليق=انا اشهد ان الحق يارجال والشرهه على؟؟؟
الصاحب اللي فالفريق بحمله مالا يطيق=صحيح حنا فالفريق لكن هالليل اقبلا
معجب العتيبي
ان كان لك حجه ياناصر هاتها وانته صديق=وان كان مابه حجتن تظهر فلالك والف لا
من لاسبح وسط المسابح فالبحر يصبح غريق=وانته وانا ياصاحبي قد المهمه وعملا
ناصرالمرشدي
اصدق معي وش قلت لي وانا على الخافي مويق=وان كان قولك صدق اقول اني من بيوت بخلا
تفعل ولك كف طليق وافعل ولي كف طليق=مير البلا ماهوب في الله يكافينا البلا
معجب العتيبي
ماقلت غير الصدق ياناصر ولو تشعل حريق=واحذر تشعلها حريق وتجتمع فيه جهلا
انا اشهد انك تذبح الحايل وتطبخها سليق=لكنّ شفتك بالجهاز تويق وآخذها حلا
ناصرالمرشدي
وش لون تنكر وانت قايلها يابو دقنٍ حليق=الرجل يحمى كلمته لاقالها والا فلا
الرجل ينقل حملته لو انها اثقل من طويق=يالصاحب اللي بعد هاذي لاعدم ولاخلا
معجب العتيبي
ياصاحبي مانكر ورب الكون يعلم بالغليق=وانته يابو تركي على المعنى تجيب مؤلا
ماضنتي تجهل خويك واله تاريخٍ عريق=ياصاحبي لاتنطق الا شي عنه بتسئلا
ناصرالمرشدي
الاعتراف افضل من الزله ولو يلحق لحيق=لكن تراجع فالخطا مالك لاشرب ولا كلا
بدايتك تزفر زفير ونهايتك تشهق شهيق=ياويل ابو سلطان من رب السموات العلا
معجب العتيبي
ياصاحبي وانته رجل فاهم وتفكيرك عميق=ماودنا لك بالمضره وانت رجل مجملا
مايشهق الا واحدن من بين خلق الله مليق=وانا اليا من شفت راع الحق قلت اهلا هلا
ناصرالمرشدي
والله ماجنب لين ابركها وراء واد العقيق=مادام عن شمس النهار الغيم باقي مانجلا
ان كان ضاري بالمجامل يارجل خبرك عتيق=دون المواقف نرخص الارواح في سوق الغلا
معجب العتيبي
حبل الموده بيننا خله يابن عمي وثيق=قبل افتح البيبان ثم تصير صعب تقفلا
تضحك على البنقال فاروق العمر واحمد شفيق=وتقول سلك الهاتف الليله بلاش موصلا
ناصرالمرشدي
ان قلت كاس الحنضله وان قلت كاسً من رحيق=ماعندنا غير الثنين اثنين مافيه بدلا
ابرك لها واشتالها تطيق والا ماتطيق=ماقلت لك/ تنصى المسلح/ خل عنك العزلا
معجب العتيبي
السالفه بانت وصارت للعرب تبرق بريق=هذي نهاية علمنا والهرج قلته مٌجملا
هذي شهادة حق ياناصر تورطنا على ايق=ومخك من القيفان ياشاعر بني عبس امتلا
« آخـــر الـــمـــشـــاركــــات »
22-Mar-2008, 01:41 PM
العرض العادي
