قصيدة اللقب عتبان ( اهداء الى قبيلة عتيبه) لشاعر ثامر بن جدعان الشمري

[اٌٍلٍٍُخٌٍـٍُاٍُصٍُ]

السلام عليكم ورحمة الله وبركاته

هذا قصيده الاخ الشاعر ثامر ابن جدعان الشمري







سلام سنة طروقـه كتبهـا أبنـه لجدعـان
شموخ المجد علاهـا قصايـد فـي معاليهـا

بداية مدح ينظمها مضّمر بالوفـاء انسـان
زمرد لؤلؤ مرجـانً تِلالـي فـي نواصيهـا

قصايد عز غناها شذاهـا عـزة الاوطـان
دايري نجد اسألها ديـارك منهـو حاميهـا

دلال الهيل مغليه تزلـه كيـف بالاذهـان
وكيفي اليوم معمـورً بذكـر الله ناويهـا

ولد منصور بن قيس ًضنى مضر أيا هـوزان
عراقة اصل سلسها ذهب واللماس كاسيهـا

أشوف رجال معزوزة قبايل ساسها عدنـان
عتيبه الفخر يا سامع شموخ العـز حاويهـا

بديت بروق ببداية أميـرك والـده ربيعـان
تسوج الغوج ميدانً سيوف المجـد حاميهـا

شموخك برقا ناصفها وابن حميد يا شجعـان
رماح الحرب عرفها بنجـد العـز قاضيهـا

ترى العفار ضيف الله عقاب والده شبنـان
ابن هندي وسلطانً وبنـدر يـوم يقضيهـا

وشبيب أبنه لحجنه وابن طويـق والقشعـان
ترى مبارك ومرزوقً وراقي الفـرد عاليهـا

هذا مارق وعفاسً وابن جامـع وصنيتـان
أبو خشيم وشبيب اليوم وبير العز ناصيهـا

يا مقعِد منهم الشامخ مناحي والجمع عربان
هذال وبـن زريبـه نهايـه عـز راسيهـا

سعود اليابس وغيره قبيله تجمـع الفرسـان
يموت السيد وسيـد ظناهـم سيـد فيهـا

أبا العلا ابختمهـا نهايـه عطرهـا ريحـان
ابيها مثل ما تيجي فريـده بلـون يحليهـا

شموخ المجد يا شعرً تسطـر بالمـلا عنـوان
أببدى فيك اوصافي لرجالً فـي خوافيهـا

بيارق عز عـلّيها يا قافـي أنثـري هتـان
رعود وبرق هللها ودهـن العـود خافيهـا

سلام دن بأفكاري مضارب ديـرة العتبـان
وتل الصيرمي تله صفـات فيهـم أعطيهـا

خيول عجعجة عجة رصاص ثوره جبـران
جوازي الخيل مركبً وحنية سيف راعيهـا

رماح بأول الجوله وصوله ندهـم خسـران
يا كفوا الكفوا يا نعمً والف النعـم وافيهـا

زرعت العز بحروفي وسجدة لربـي الرحمـان
أسود نمور بقلوبً وروحً تفـدى داعيهـا

ترى الهيلا بألقاب تعزك يا عظيـم الشـان
لا جاك الضيم أدعيهم صقور فـي نواحيهـا

بدا بنجد وثم حجاز الى شامً ضنى حـوران
ومن شرقً الى غربـاً سرايـا العـز تاليهـا

طحاطيح لهم سيط كتبهـا أبنـه لجدعـان
شموخ المجد علاهـا قصايـد فـي معاليهـا

أشد العقد ياقوتً نظمته واللقـب عتبـان
عيال شيوخ وشيـوخً سلاطيـنً بأرضيهـا

فحول والفعل واضح يسابق قولهم طربـان
أبحصي فعلهم لكن يقصـر شعـر يبغيهـا

يزل الهيـل فنجالـي دلال بنهـا عصيـان
رفاعه والحكـم لله بنهايـة قصـه أرويهـا

هذهي ملحمة شعري وتواريخي قصر برزان
تراني ثامر بفعلي وقولـي فـي عـلا ليهـا

دايري من شمال الكون وحرفي بالمدى غضبان
يا خوفي فيني قصورً وشعـري مـا يوفيهـا

ونهاية وانتهى قولي بصلاتي لسيدي العدنـان
عدد ما دقت سيوفً بكل حـروب نجليهـا





من نظم والقاء ثامر بن جدعان / مضمر القصيد

دمتم بود

[نجر بن هاجد]

لاهنت يالغالي وصح لسان ثامر بن جدعان

[محب الهيلا]

صح لسان الشاعر

مشكور وماقصرت

[عبدالله الجـــذع]

صح لسان الشاعر الكبير ثامر..

وماعليه زود ولاعلى شمر زود..

بيض الله وجه القائل والناقل..

مشكور وماقصرت..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[قادح شرار]

صح لسان الشمري , وماعليه زود .

[روح جاي]

دايري من شمال الكون وحرفي بالمدى غضبان
يا خوفي فيني قصورً وشعـري مـا يوفيهـا

لاوالله مافيك قصور انت وشعرك يالشمري وصح لسانك

مليون نعم بشمر

[اٌٍلٍٍُخٌٍـٍُاٍُصٍُ]

اخوي نجر . ولا انت يطولي بعمرك مرورك وردك اسعدني الف شكر :

محب الهيلا . صح بدنك نيابتآ عنه (: والعفو طال عمرك واسعدني

مرورك العطر والهادي يا محب ::

عبدالله الجذع . والله يبيض وجه من قال ومن قراء , والعفو

اما مابه قصور ليته والله (: تسلم يا عبدالله واشكرك على مرورك

الجميل وشكرآ :

قادح شرار . الف شكر على هالطله الجميله (: :

روح جاي . ياطيبك ويا زين هالنك اضم صوتي معك صح الله لسانه

ونعم ونعم ببن جدعان والطنايا وبكل طيب .

والف شكر على هالطله الجميله (:

[عمر الدغيلبي]

صح لسان الشاعر ثامر بن جدعان الشمري

وما عليه زود وونعم فيه وفي لابته شمر

ولاهنت على النقل

مع جزيل الشكر

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[اٌٍلٍٍُخٌٍـٍُاٍُصٍُ]

اخوي عمر مشرف القسم

ولاتهون والف شكر على هالتواجد .

عساك على القوه

[ابو ناصر المقاطي]

صح السان الشاعر ثامر والله اني متنومس حدييييي

والشاعر ذكرا 23 رجال وطبع الفرسان بعتيبه ما ينحصون

وماعليه زود من قبيله حاكمه حايل وحامينها

شكرا على هالقصيده يا اخوي الخاص