ياعلي نزل سلاحك وارفع الراية وصدر

[معجب العتيبي]

بندر المرشدي

ياعلي نزل سلاحك وارفع الراية وصدر=لا تخلينا نطلع لك علوماً ما تبيها
حضرتك فالمنتدى سبب كثير من التوتر=والاوامر يوم تصدرها ورا ما تحتميها

علي العضياني

أوّل اعرف كيف تهرج قدم مشرفك ( الموقّر )=ثمّ بعدها دوّر أسبق خيل ثمّ اركب عليها
أنصحك يا صاحبي لا تطرق الباب المسكّر=الامور اللي بعيـــــــــده عنك وش دخّلك فيها

بندر المرشدي

صابرين ومستحين ومؤمنين أمرا مقدر=مار فيه أمور في هالمنتدى ما نرتضيها
الإدارة كان ما انت بقدها ياعلي وخر=خلها للي ليا كثرت عقدها يحتويها

علي فلاح العضياني

والله انّي فيك فيما فات بالحيل امتوجّر=والمعاريف الكثيره كيف ابن مرشد نسيها
المدير الله يعينه والله انّه ما يقصّر=كيف يدرك غاية الناس الغفيره كلّبيها

بندر المرشدي

يوم مرزوق متواجد ياعلي فيه متستر=ويوم غاب اتضحت الصورة وخسر ملمعيها
توعد الأعضاء بخير وتخلف الوعد وتكبر=لو يذمك عضو كل مشاركاته ما لقيها

علي فلاح العضياني

انته الليله من البرّاد يا بندر مكثّر=تاتجيك اللي من المغرب يا بندر تحتريها
يوم نعزمك و تجي وش لون تاكل ما تشكّر =اشكر الله واشكر اهل الطيب والفعل النزيها

بندر المرشدي

قلتها يوم أني أشوفك على الفاضي مسنتر=الهقاوي فيك ضاعت يوم كنّا نهتقيها
أنت تخطي مع عتيبة مار ما شفتك تعذّر=ولو تجيك عجيزاً من قوم تدهن راحتيها

علي فلاح العضياني

الظهر لو ينكسر يا خوي ما يلقى مجبّر =لوّ ربّي مسلمٍ رجلاك ومسلّم يديها
وانت متعافي ومنعم لا تقولٍ انّك مطفّر=ليت بعض النّاس تسكت يرحم الله والديها

التوقيع