ابو هلا يابو هلا

[معجب العتيبي]

معجب العتيبي

اهلا هلا يابو هلا واهلا هلا يابو هلا=الليله الليله نباهـا تستمـر القافيـه
نبا نبعدها عن المر ونقـرّب للحـلا=لعلها ليلة صفا تبقا عليكـم صافيـه

-ابو هلا-

الله يبارك فيك ياشاعر على القمّه عـلا=سج القدم ياصاحبي وانا احتمي ميقافيـه
ماني بانشد من شرب ماني بناشد من كلا=العرف يايعرض بدنيانا علـى العرافيـه

معجب العتيبي

تعشق طلوع القمه العليا ولوهي بالخـلا=وانا اشهد انك في قممها تضبط المحرافيه
ياصاحبي قالوا لي ان بعيركم صابه بـلا=والظاهر انه ياعميل الخيـر ماينشافيـه

-ابو هلا-

لا تحرف الموضوع والمبلى بلاه الله بـلا=ان كان عينك واعيه وان كان عينك غافيه
أبعيرنا شال الحمل ياصاحبي قـدم المـلا=مير البحر ما ينغرف لو قلت بالمغرافيـه

معجب العتيبي

ماضنتي ياصاحبي للحكم قلبك يجهلا=اللي يقدم صاع ياخذ صاع بالانصافيه
انا اقصد بعيرٍ من اللي جاه قلبي ماسلا=لايروح تفكيرك بعيد وتستثير الخافيه

-ابو هلا-

سوق الغلا فيه الغلا ياللي تدوّر للغـلا=وانته على جسمك ثيابك يالعتيبي ضافيه
انا احمد الله ماعليه خلاف وانت مجملا=سالم وطيّب فالليالي ماعليـه اخلافيـه

معجب العتيبي

سوق الغلا لو يمتلي قلنا تـرا لا ماامتـلا=الناس تعرف كل سلعه من خلال اوصافيـه
انا اشهد ان القلب مستانس من علومك ولا=سره من الاخبار غير ان الشفا ينشافيه

-ابو هلا-

الشاعر اللي في علوم الشعر فكره ماخلا=يصرف دنانير الذهب لاجاته الصرافيـه
الحزن زايل بأمر رب الكون والهم انجلا=ياهل القلوب الصافيه ربي يديم العافيـه