ارجؤ التثبيت:كل ما يتعلق ببندر بن سرور من الالف الي الياء

[سلطان البقمي]

(صواديف)

الله من عين طرقها صواديف
عميت ويبسن بالعروق الصخافي
شفت الوزا بالعين من عرض ماشيف
شفته وغيري من فطن له وشافي
وقت تغير فيه حتى العواصيف
جا في عواصيف الرياح أختلافي
شره قناطير وخيره مقاطيف
يفطن له اللي يرضع الديد غافي
كم واحد جاله زمانه على الكيف
واغترته نفسه يبا الجود وافي
يطلع مطاليع العلا بالسواليف
بين العذارى عد روحه سنافي
يفرح بهرج بالقفى يكره الضيف
قتات والقتات بالنار هافي
يعلق قصيره علقة النار بالليف
عي ولد عي زنوده ضعافي
ان رخصت الحذوه توفي عن الحيف
وان غليت الحذوه مشى اللاش حافي
يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي
والصبر بنحور السنين الشواحيف
اللي قساها مثل حد الرهافي
مايقدرون الجود سود الأطاريف
مشاركة بيض النسا باللحافي

يقدر عليه اللي حكم نجد بالسيف
واودع مباغيض القبايل ولافي
عبد العزيز اللي يبث المصاريف
يجدع قناطير الذهب بالفيافي
يمشي على دربه جموع مراديف
نو تحدر ماه والجو صافي
يشدي لواقيط الزبيدي بعد ريف
ومما كسى البيدا تفيد الضعافي

هذه قصيدها لها طابع خاص وكل قصيد بندر جميل




اشكر من اهتم في ديوانه ويستحق الاهتمام

آخر تعديل سلطان البقمي يوم 06-Mar-2011 في 10:53 PM.

[ناجح الشمري]

ابو كتيفه ياليتك ماكتبت قصايد بندر ابن سرور ولا كلفت فيهن

لان اغلب الكلمات اللي فيهن محرفه وبندر غني عن التعريف
والقصص اللي انت تقول جاء وراح فأنا انصحك انت ومن
اخذوا مصادرهم من ناس ماهم على وكاد
http://www.otaibah.net/m/images/toolbox/a7la1.gif
لايكثرون الخوض بالكلام اللي ماله دليل لاننا نعرف حتى زمن
اغلب هذه القصايد رغم الخلط فيهن وفالنهاية ( مثل ماقال المثل : الاختلاف فالراي لا يفسد للود قضيه)