°ˆ~*¤®§(*§*)§®¤*~ˆ°برقا و روق°ˆ~*¤®§(*§*)§®¤*~ˆ° - الهيـــــــــــــلا *** منتدى قبيلة عتيبة

ماجد بن هلال · 02-Nov-2007, 06:46 PM

بسم الله الرحمن الرحيم
السلام عليكم ورحمة الله وبركاته

قصيدتي في مزاين الهيلا وكان لها نصيب الظهور في قناة الساحه2
في أمسية حفل العروم بمشاركة الشاعر العلم غازي بن عون والشاعر المعروف سلطان الجلاوي ووووغيرهم

في شهر 10 وسط نجد بعهد مروين السلال=توقيتٍ أغلى من بنوك سويسرا وأموالها
توقيت يجمع كاسبين الطيب وافين الخصال=برقا و روق اللي ينومسها قديم أفعالها
توقيت لمزاين هل الطالات ذربين الفعال=الطيب ( مزنه ) والعتيبي يشبه لهمّالها
إن قلت ( برقا ) ما لقيت إلا كريمين السبال=وإن قلت ( روق ) أهل البيوت اللي يظلّ ظلالها
وإن قلت ( برقا ) قلت هيبتهم مثل صمّ الجبال=وإن قلت ( روق ) أقول ما للطاله إلا رجالها
ذولا عتيبه يدّ وحده من قديمات الليال=سقم العدو .. حضر وبدو .. يا حيّ والله فالها
حطّوا مزاين يوم جاله من فضل ربي مجال=يشهد تكاتف لابتي رغم إختلاف أجيالها
مزاينٍ للبل عطايا الله وقيل اعظام مال=لها ذكر فكتاب ربّي رافعٍ منزالها
مزاينٍ ماسيق فيه إلا مزايين الحلال=أقولها وإن شافها غيري بنفسه قالها
ورث الجدود اللي حموها بالرهيفات الصقال=يوم الحرايب فالجزيرة والفتن وإظلالها
ماحدٍ جهل مرباعنا ماض الليالي فالشمال=والصيف بديار الجنوب وفي وسيع اعبالها
ولا مشارينا وحنّا ما نحسّب للريال=دايم هوانا فالخيار ولا نحبّ هزالها
وضحٍ سواة الغيم بالألوان / لله الكمال=فيها العيون تحير من زينٍ حوته أزوالها
ولا المجاهيم البواخر والطويلات الجلال=لاشفتها فأرضٍ خلا ما قلت غير جبالها
والشعل هي والصفر والله ما يوّفيها المقال=بالزين قلّ أمثالها باللون كثر أمثالها
لها مكانه فالقلوب وهالمكانه لاتزال=ماغيرتها الفانيه بأيامها وليالها
واليوم مع راية ( هل العوجا ) عريبين الخوال=كل القبايل تجتمع من جالها لا جالها
نمشي تحت راي الزعيم الوايلي وافي الخصال=لأجله نفادي والمنيّه مانهاب أهوالها

مجبور اعيش · 02-Nov-2007, 09:12 PM

إن قلت ( برقا ) ما لقيت إلا كريميـن السبـال
وإن قلت ( روق ) أهل البيوت اللي يظلّ ظلالها
وإن قلت ( برقا ) قلت هيبتهم مثل صمّ الجبال
وإن قلت ( روق ) أقول ما للطاله إلا رجالهـا

صح الله لسااااااااااانكـ

قايد_السرب · 03-Nov-2007, 12:41 AM

صح الله لسانك مليوووون ولا تكفي ياولد مشيب

ولا عدمنا حرفك يالذيب

تحيتي

ماجد بن هلال · 24-Jan-2008, 11:09 PM

اقتباس:

المشاركة الأصلية كتبت بواسطة مجبور اعيش

إن قلت ( برقا ) ما لقيت إلا كريميـن السبـال
وإن قلت ( روق ) أهل البيوت اللي يظلّ ظلالها
وإن قلت ( برقا ) قلت هيبتهم مثل صمّ الجبال
وإن قلت ( روق ) أقول ما للطاله إلا رجالهـا

صح الله لسااااااااااانكـ

صحّ بدنكـ ..

شاكر لك مروركـ .. : )

@ـايل · 25-Jan-2008, 12:19 AM

اخوي ماجد بن هلال صح لسانك على القصيده الجزله

وبيض الله وجهك لاهنت والله يقويك

التوقيع

تويتر : AlHooL@

مرزوق حمدان العتيبي · 25-Jan-2008, 12:15 PM

إن قلت ( برقا ) ما لقيت إلا كريميـن السبـال
وإن قلت ( روق ) أهل البيوت اللي يظلّ ظلالها
وإن قلت ( برقا ) قلت هيبتهم مثل صمّ الجبال
وإن قلت ( روق ) أقول ما للطاله إلا رجالهـا

...

وافي يابو هلال .. صح لسانك وبيض الله وجهك
ولابتك تستاهل ....

التوقيع

@Marzouq_MHD

عبدالله الجـــذع · 25-Jan-2008, 12:39 PM

صح لسانكـ يالغالــي..

قصيده جميله وماهي غريبه عليكـ يأبن مشيــب..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .

.
قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )
.

موقع يضم جميع القراء

هنا