هنا المحاوره المباشره ....نايف الروقي ++ ربح السبيعي

[بندر الهيلا]

الليل.... ...... الليل

نايف الروقي --- ربح السبيعي

صحت السنتــــــــــــــــــكمـ ... ياكبـــــــــــــــاأأأأأأأأأأأأر

واصلوا واصلوا

[حمد بن جوباح]

ابك

ابك

ابك

قضيتوووو

أجل ما الله قسم لي إكمال المتعه

القديرين ،،

نايف الروقي و ربح السبيعي

صحت ألسنتكم يا النشاما

والعذر والسموحه على القصور



.
.
.

















تحياتي لكمـ ،،

[نايف بن ملحق الثعلي]

بندر الهيلا ارحب يالغالي

التوقيع

ما هوب لازم توقيع00

[علي فلاح العضياني]

الشاعر الكبير ربح السبيعي


بيض الله وجهك على قبول الدعوه وحضورك المشرف وبيض الله وجه اخوي نايف الروقي على ما قدّم من مستوى يلق به وبموقفه



ونشكر الصفوف والجماهير جميعاً

التوقيع

(( رأس الحكمه مخافة الله ))

[نايف بن ملحق الثعلي]

حمد بن جوباح حياك الله يالغالي

ماحصل منك قصور

[نايف بن ملحق الثعلي]

ربح السبيعي صح السانك تشرفت باللعب معك يالغالي

ودمت بخير

[معجب العتيبي]

نايف الروقي

يامرحبا في منتدى الهيلا رفيعيـن المقـام=يشهد لهم تاريخهـم عنـد القبايـل كلهـا
الليل ياربح السبيعي يالكريم ابـن الكـرام=سولف معي واللي عقد روس الحبال ايحلها

ربح السبيعي

دام البقاء بك عن هل الغلباء رموز الاحترام=اللابه إللي شرف التاريـخ طيـب أسجلهـا
الليل تو انه بدا ياصاحبـي شـد الحـزام=ابدع جزيلات المثايل بعـد ماجـاء حلهـا

نايف الروقي

خلك على وضح النقاء والنور اخير من الظلام=احسب حسابك من يبا يمشي الدروب ايدلهـا
حنا سمعنا علم ونعرف الحلال امـن الحـرام=لكن بعـض النـاس يسمعهـا ولا يفطنلهـا

ربح السبيعي

نمشي على وضح النقاء وان صار فالدعوى زحام=إللـي نبيهـا بـأذن خـلاق البشـر ناصلـهـا
انكان تسمع كل مايذكـر علـى الدنيـا السـلام=تبغاء تحـرب المجتمـع والنفـس يكثـر غلهـا

نايف الروقي

انتم وحنا صف واحد مايجي فيه انقسام=والله يعز الشجره اللي كلنا في ضلهـا
العلم واضح يالسبيعي لا تغر امن الكلام=عسى جمال اعقيل تارد والكبود اتبلها

ربح السبيعي

الله يديم الامن والايمان في حكم الامام=أما إللي ابقلبك ماتحصل لوتباء تعملها
اما جمال عقيل قادة بالقياد او بالخطام=اقيادها يقصر لها واما الخطام إيتلهـا

نايف الروقي

الله يعز اهل العدالـه كـل وقـت وكـل عـام=والنـاس ياربـح الصميلـى ماتغيـر دلـهـا
بعض الجمال اليا احتمى الماقف يصير بلا عظام=وام الكبايـر خاينـة كـل الـحـدود تزلـهـا

ربح السبيعي

الله يعز إللي لها القران دستور او نظـام=والله يسلمها من الفتنه ومن يبطن لهـا
خط الهدا ياخوك بتقوم القيامه ما استقام=اصبر ولو طول الصبر صاف الكبود يعلها

نايف الروقي

ترى العلوم اخذ وعطا ياجعل جدك للرحام=اللي يعشـق الطيبـة ياصاحبـي ماملهـا
عان المخايل خيلت ياصاحبي والبرق شام=وانت احمد الله في ديارك والفريضة صلها

ربح السبيعي

ماخاف من سو البشر ياخوك من صلى وصام=والله مايهمـل شـرار الخلـق لويمهلـهـا
الكـم تحيـه ياقصرانـا فالبدايـه والختـام=والمعذره ياأصحاب عن نقص العلوم وزلهـا

[عيد العازمي]

وافين وجزلين وبيض الله وجيهكم


ابو سلطان لك تحيه خااااااااااااصه

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[عبدالمجيد الثعلي]

نايف الرووووقي أنا أشهد انك وفيت وكفيت وجزل بيّض الله وجهك

ربح السبيعـــي بيض الله وجهك كفيت وفيت لااااهنت لاااااااااهنت

صح ألسنتكم

[سلمان الروقي]

نايف الروقي دايم مبدع بيض الله وجهك لاهنت ..صح السانك

ربح السبيعي بيض الله وجهك لاهنت .. صح السانك