هنا انطلاق المحاورة المباشرة لهذا الاسبوع

[معجب العتيبي]

هديه للشاعرين والحظور

البواردي

يا مرحبا ترحيبةً تبدي مثل شمـس النهـار=في منتدى ربعي هل الطالات من طول السنين
الليله ان كان الحميدي..هدّ قرناسـه وطـار=يرفـع يدينـه لله الستّـار رب العالمـيـن

نايف الحميدي

دام البقاء في منتدى ربعي طويلين العمار=العزوه الي فالطلب تكعم جموع المعتديـن
الليله الليله تشوف الفرق من بين الحرار=طير السعد يحريبها مدام مخلابه سنيـن

البواردي

عساك يا طير السعد تسلم ليـا ثـار العيـار=اما يمرّك من يسار الـراس والا مـن يميـن
ترى الدروب اثنين.. لا ثالث لها.. واحد يسار=والدرب الاخر.. مانت جاهل فيه درب الغانمين

نايف الحميدي

طير السعد ماهوب صيده للصغار وللكبـار=وان قلت انا بشويه هاذي مشكله يالله تعين
حنا عطينا الدرب الايمن وانت خلك فالمسار=يامحمدالدعوى كبيـره لاتبيحـون الكنيـن

البواردي

لولاي خايف ينقرض نوعه شويته فوق نار=لكن لا طال الطريق تزين والخافـي بيبـن
يا ذيب ياللي تجذب الونة وفي عينك شرار=تغيب عشر شهور عن دارك وتحضر ليلتين

نايف الحميدي

اليا انقرض ماهوب من صالحك ضاقبك المدار=راجع قرارك واخد منـي يامحمـد فرصتيـن
ذيب الخلى يتعب خطاه الليل وينـام النهـار=يقطع جراهيد الدير وان جاع مقسومه سمين

البواردي

ان كان يختل في ظلام الليل ماهو فيد خار=يمكن يجيه بواردي ويشب فيـه المارتيـن
السابح الغطاس لا طب البحر جاب المحـار=وانته ليا سقناك للوعرات طحت من اليدين

نايف الحميدي

الذيب مايختل ليا واجهـك ياخذهـا جهـار=هذا نظامه ياولد والختل عند ابـا الحصيـن
حنا حجزنا اوكيه يابن الناس ولا انت انتظار=ماغير تنطق كلمتين وردها بـس كلمتيـن

البواردي

ياللي تصلون العشا والفجر في مسجد ضرار=ياعنك ما اخذتوا فتاوي من رياض الصالحين
قام البعير اللي محجّـز بالقيـاد وبالهجـار=يهدر على الجمّال والجمّال عينـه فالقطيـن

نايف الحميدي

الي قراء سورة محمد ماجهل بالانفطار=الحق بيٌن واعلمانا بالحقيقه ناصحين
هاذا بعير القوم لامنه تسنٌد ماستخـار=والي يجي قدمه ترى يبا يهبده هبدتين

البواردي

الله يبارك في رجالً تستشيـر وتستشـار=والا انت مالك ذكر فالخندق وفي وقعة حنين
ياللي قريت اكتب مدامك في مكان الاختبـار=جاوب وتلقا اسمك بعد يومين بين الناجحين

نايف الحميدي

معذور يامحمد مدام العيـن يغشاهـا الغبـار=عشرة وقايع صلتها وابلشتنـا فـي وقعتيـن
ياشين طعم الانكسار وزين طعـم الانتصـار=وش عاد ترجي يامحمد طحت في وسط الكمين

البواردي

عز الله انـي مالقيتـك مـع معسفـة المهـار=الربعة اللي منهـم اعداهـم يجـرون الونيـن
الكبتن الطيار يقلـع مـن مطـار اليـا مطـار=وانته رميت الحب في وسط الرحا وامسى طحين

نايف الحميدي

امهارنا من عصر نوح الها على البيداء شعار=يوم ان بعض الناس من همه يجورع بالحنين
اختامها يهل الوفا والطيـب منـي باختصـار=الشكـر منـي ياعتيبـه يالرجـال الطيبيـن