الكل يشارك ببيت شعر

[عبدالله هادي ناشي الفليت.]

يـا ناشـدٍ عنـي ترانـي شليويـح=نفسي على قطع الخرايـم عزومـي
لا قلّـت الوزنـة وربعـي مشافيـح=أخلّـي الوزنـة لربعـي وأشومـي

لشاعر شليويح العطاوي

ـــــــــــــــــــــــــ

ياذيب انا بوصيـك لا تأكـل الذيـب=كم ليلـةٍ عشّـاك عقـب المجاعـة
كم ليلة عشـاك حـرش العراقيـب=وكم شيـخ قـوم كزته لك ذراعـه

لشاعر شالح بن هدلان

ـــــــــــــــــــــــــ

قـومٍ إلى جيتـهم رفـت شواربـها=بالضحك واقلوبها فيها الردى كالـي
وقومٍ إلى جيتـهم صكـت حواجبـها=وأبدت لي البغض في مقفاي واقبالـي

لشاعر بديوي الوقداني


ـــــــــــــــــــ

من لايديس الرأي من قبل ماد يس =عليه داسوه العيال القرومي
ومن لايقلط شذره السيف والكيس =يبدي عليه من الليالي ثلومي
من ياخـذ الدنيـا برايـه بلا قيـس=مثل الذي في جـوف بحـر يعومـي
ما ينبنـي بنيـان من غيـر تاسيـس=ومـن لا تعلـم مـا تفيـد العلومـي

قصيــده اخرى

ترى النبي وصّى على الجار لو جار =خذ الحذر ياعبيد عقب النذاره
رافق قويّ الدين حفّاظ الاسرار= ينفعك في يوم(ن) يجي به كراره
ترى الهوى والغيّ هن شرّ الاشرار =ومن داس عار الناس داسوا لعاره

لشاعر الكبير تركي ابن حيمد


ـــــــــــــ

يا ذيب وان جتك الغنم في مفاليك=فاكمن الى حيث الرعايا اتعداك
من اول يا ذيب تفرس ابياديك= واليوم جا ذيب عن الفرس عداك
يا ذيب عاهدني واعاهدك ما رميك = ما رميك انا يا ذيب لو زان مرماك
والنفس خالف رايها قبل ترميك= ترا لها الشيطان يرمي بالاهلاك

لشاعر بركات الشريف

ـــــــــــــــــــــ ــــــــــــــــــــــــــــ ــــــــــــــــــــــــــــــ ــــــــــــــــــــــــــ

وصلاة ربي عد رمل الطعاميس=وعلى شفيع الخلق يوم اللمومي
عد النبات وعد ذار الطعاميس =واعداد مايمطر سحاب الغيومي

وأرجو أن تنال إعجابكم واستحسانكم.......

واسفين على زيااده الابياات

معاتحيااات اخوكــــم..

عبدالله هادي ناشي الفليت.

آخر تعديل عبدالله هادي ناشي الفليت. يوم 05-Jan-2008 في 01:30 PM.