ابو مناسيب
سلام ردية وفا ثانيها .. لهل الوفا واهل الصخا والجودي=من بعدها نبدع بزين امثالي..واحد من الشعار يطلع برا
دام الرعيه غايبً راعيها..ماراح تاصل عدها المورودي=وين الذي للمشكله حلالي.. واحد من الشعار يطلع برا
ابو نجر النفيعي
يا مرحبا ترحيبةٍ مافيها .. يا كود ودّ وحب وريحة عـودي=من خاطر الرّجال للرّجالي .. واحد من الشعار يطلـع بـرّا
منته ببايعها ولا شاريها .. والناس ماهم يالنخيش ارقودي=وأنا جمل وأبرك لها وأشتالي .. واحد من الشاعر يطلع برا
ابومناسيب
دام البقا من بعد مانبديها ..يالوافي اللي من عريب جدودي=سوق المطيه ياولد فالحالي .. واحد من الشعار يطلع برا
والله منته ياولد قاويها .. افهم علومي زين يالمفرودي=السوق غالي قوم واشتر غالي ..واحد من الشعار يطلع برا
ابو نجر النفيعيي
المركبه يالربع أبا اهدّيها .. من زود سرعتها تقول (اسكودي)=واخاف لا تلعب بجال وجالي .. محدٍ من الشعّار طالـع بـرّا
يا رجل للّه ماني بمخطيها .. ويا جعل عين ابن الحسد للعودي=لاحدٍ يقول المرّ مثل الحالي .. محدٍ من الشعـار يطلـع بـرّا
ابومناسيب
سرعتك ياوليدي هذا تاليها ..في جرف ولا قالب ومحدودي=ياجعل مثلك صكه السلالي ..يالين يعرفنا ويطلع برا
منهو مسرحها يجي مظويها ..ولاترى معاد له منشودي=معناي روح في سماه العالي ..ارجوك تفهمنا وتطلع برا
ابو نجر النفيعي
وشلون وانته راكبينك فيها .. هذا جزا اللي مايعرف يقودي=لكن لا تدعي على الخيّالـي.. والا بشوتـك بالنهايـه بـرّا
القوس مخلف رميها باريها .. وطويق مخلفته هبوب النودي=معناك في قمّة جبل يا سالي .. معروف يا رجّال واطلع برّا
ابومناسيب
المركبه حقتك انا مابيها.. خذها على وضح النقا المجرودي=دور لها واحد قصير حبالي..شتناك يالله قوم واطلع برا
تبا تكحلها تجي معميها..شفنا الضريبه صكها العبرودي=تحتال ماانت بقادرً تحتالي..بقول لك معناي واطلع برا
ابو نجر النفيعي
لا تلوي النيه ولا نلويها .. ولاّ اركب البابور يامقـرودي=قدام تغرق فالبحر يا خالي .. لاهنت خذها كاش واطلع برّا
ياللي بيوتك ودك تمشيها .. وانته بلا معنى ولا لك فودي=منته براعيها ولا جمّالي .. هذي الحقيقه مار فارق بـرا
« آخـــر الـــمـــشـــاركــــات »
31-Dec-2007, 10:46 PM
العرض العادي
