شارك باختيار أقوى بيت في المحاورة

[سلطان الجـذع]

اسمح لي اشارك بمحاوره كامله ماهو بيت
لان بيوتها بنفس المستوى

عبدالله المسعودي

ماني باجيب الفصاحه غير عند الفصيح **امشي مع الناس واعطيها قوانينها
ام الصفا والصفيح اللي من اول تصيح **راحت على موت ابوها حنت ايدينها

مطلق الثبيتي
بعض المعاني تعنيني وانا مستريح ** وام الموازين لاتصغي موازينها
قلب بنعمه وقلب من زمانه جريح **قبل امس تقسي وهذا اليوم يالينها

عبدالله المسعودي
انا على مرقب عالي بديت استضيح ** وان ام عامر تهز انصاب سكينها
الهجرة اللي يامطلق جات تنقح نقيح** ايعيش نمرودها ويموت مسكينها

مطلق الثبيتي
يازند ياللي على الايام تقدح قديح ** ليالك السود ماترقد شياطينها
اشوف لي شيخ في نعمه وكفه شحيح ** حتى الاوادم مشارك في دكاكينها

عبدالله المسعودي
اشوف قربة عقيد القوم تنضح نضيح ** والثوب الابيض تغرق بينه وبينها
ابليس لو جرها يمكن عراها يطيح ** وابليس شريان من ماها ومن طينها

مطلق الثبيتي
النار من تحت قدرك مار عيا يفيح**خلا العرب للعشا تدني مواعينها
يقلون باب يجي ياصاحبي منه ريح **سده وتسلم من الدنيا ومن دينها

عبدالله المسعودي
ولد الهوى يوم غنى لام خد مليح **ما احد يلومه وهو مفتون في زينها
الذيب ماهو عشا لام اللبن والتليح **ان شافت الذيب الاشهب دنهرت عينها

مطلق الثبيتي
ولد الهوى مبتلش فام الصفا والصفيح ** اللي لياشافته رفت كراعينها
ام الكباير على الاجواد تضبح ضبيح ** والسوس من ظهرها واصل ضلاعينها

عبدالله المسعودي
قمرية الفن الاخضر ملحها مايميح ** الحب في حلقها ماياصل ابطينها
ان كان ابا امدحك ماينفعك كثر المديح **ان كان ماجبت للقصه براهينها