سويلم بن عيسان

[هداج المخامر]

قصيدة الشاعر فواز حنيف بن مهرس


فـي الشيخ/ قـاعـد الـوهـاب

الـبـارحـه دق بــــي هــنــداب****خطر ٍ علـى الرجـل لا صابـه
دلـيـل عـطـنـي قـلــم وكـتــاب****وأنــــــا زبـــونـــه وكــتّــابــه
ســـلام يـــا قـاعــد الــوهّــاب****يـــا مـثـبـت حــــدود وهّــابــه
يالـشـبـل يـالـحـر يالمـعـطـاب****يـامـتـعـب ٍ مـــــن تـهـقـوابــه
مـبـداه فــي عـالـي الـمـرقـاب****ومالـي مــن الصـيـد مخـلابـه
ضرس ليا عض ضرس وناب****أقـوى مـن طـويـق واهضـابـه
حلـحـيـل حــــلال لـلانـشــاب****وعــــداه تـخــشــاه وتـهــابــه
ياليـت نجـم ٍ طـلـع مــا غــاب****ولـيـت السـبـع خـلّـف اذيـابــه
ولا يـاولـد مــن يـفـك الـبــاب****طـــول الـدهــر فـاتــح ٍ بـابــه
وحجاج يضحك وحسن ألبـاب****والـكـيـف والـطـيـب يـعـدابــه
وجلـوبـت الـشـاوي الـجــلاب****شـــراه مـــن عــنــد جــلابــه
شـراه بأغلـى الثمـن مـا هــاب****جــابــه لـلـضـيـفـه وهــلابـــه
رحـــب وعـاداتــه الـتـرحـاب****يـا جعلنـي مــا أسـمـع اغيـابـه
وعـيـال عـمـك ذرا وحـجــاب****تـلـطـم عـلــى الـعــد شـرّابــه
درعـك لـيـا مــن كــل ٍ غــاب****ضــــد الـســهــوم وتــذرابـــه
وأنـــا لـيــا عـــدت الانـســاب****أنـــا أحـمــد الله مــــن لابــــه
مـن لابــة ٍ تـوكـد المـضـراب****فـي السلـم والـحـرب حـرّابـه
حرّث هـل الموقـف الغصّـاب****مـــا نـعـطـي الـحــق طـلابــه
بحـد النمـش نقـطـع الارقــاب****ويـمـوت مــن ربـعـي اسبـابـه
حـريـبـنـا يـنـطــل الاســــلاب****مــن خوفـنـا يـنـطـل اسـلابــه
ودخيـلـنـا بـعـالـي الـمـرقــاب****ســنــة ولا احــــد يتـهـمـقـابـه
وستـيـن يـــوم وادق حـســاب****وثــلاثـــة ٍ عـــنـــد هـــرّابـــه
والضيف ياخـذ ثـلاث اوجـاب****فــي البـيـت وانـكـرّم اشـنـابـه
بـيـت ٍ تـقـل مـجـزرة قـصّـاب****وانــكــرّمـــه وانـتـحـفــوابــه
وقصيـرنـا فــي ذرا وحـجـاب****فـي اللازمـة نحـسـب اقـرابـه
والـبـارحـه دق بـــي هـنــداب****خطـر ٍ علـى الرجـل لاصابـه