ِِِِِِِشــــــــــــــــــــاعر التحدي

[ابن زراق]

السلام عليكم ورحمة الله وبركاته
هذه مشاركة شاعر التحدي فلاح راضي العتيبي
وهو صاحب الرقم (ف 361)
ونرجو من الاخوة الاعضاء التصويت لجميع المشاركين في البرنامج من افراد القبيلة لأنني اجزم بأنهم جميعاً قد التحدي
وأليكم القصيدة

صب لي فنجال هيل ومد لي فنجال شاهي=قمت لك من عز نومي ماعرفت اللي طرالي
موقعي في صدر مجلس ما تعودت المقاهي=خلني مع نفسي اجلس واتقهوى من دلالي
ولو تلاحظني مسرح لاتشك ابوك ساهي=جالس اعد الكواكب وارقب نجوم التوالي
قمت اعد احلام عمري والدهر داهيه داهي=لي امل عند الشروق ولي وعد حسب الزوالي
ولوجت الدنيا بكيفي يارعد ذا شي بداهي=كان احقق حلمي اللي فيه إجابات لسؤالي
كنت امر بحلم وردي مرني شد انتباهي=ويوم قمت ليا حمولي راسيه مثل الجبالي
قصتي تشبه غريبٍ في ظلام الليل تاهي=وبعثر الريح النفود ووجهه مع قتر خالي
كني اللي صوبوه بضربتين من المناهي=بعد رمح ذياب صابه سيف ابو زيد الهلالي
عائش ايامي قصص من كثر ماشفت الدواهي=وطبعي انظر فوق اروم بعز نفس ارقى المعالي
إن زعلت انسى اني اضحك لو تجيب اكبر فكاهي=ولا سكبت دموع ذل إلا غلى في فقد غالي
وفرحتي في عيون طفل العيد وسط اجمل ملاهي= وقلبي اقسى من حديد الصلب بيدين الرجالي
وان كتبت الشعر جاني يمشي الورد الزواهي=انظم ابيات القصيد كنها در اللآلي
المحيط الأطلسي يغرق بكبره في مياهي=والمحيط الهادي انفخ فيه يتحول زلالي
وعز راسي من بني عمي وشوف الصبح باهي=وكلما غابت علي الشمس حنيت لخوالي
وافتخر باصل بدوي كان اقتصادي من شياهي=راس مالي بندقي لحماية ابلي راس مالي
وان نصيت رياح دهري ماشية عكس اتجاهي=احتويها في طموحي وانثره بين الليالي
عصري اللي فات فات وياعسى اللي جاي زاهي=وحالف الكسلان ما اخاويه لو امشي لحالي
ولك نصيحه يارعد واحذر ترافق كل فاهي=لاتغرك كشخت اللي ما يساوي له ريالي
اختر اصحابك ترى ماكل حبل يصير راهي=عزتي للي تعلق في قصيرات الحبالي
والجمل لا طاح يلقى يا فتى عشرين طاهي=والحظوظ اذا اعتلت في غمض عين اصل العلالي
واجمل الخلق السماحه وارذل الفعل التباهي=واكرم ايامي إذا غديت ربعي من حلالي
ادع ربك واسع حيث المرجله تقدير إلهي=اطلبه قل يامعين ويسمعك رب الجلالي
ونفذ اقوال الرسول من الاوامر والنواهي=واتق الله ما استطعت وتصبح الرجل المثالي
زايلة دنياك وجناح البعوضةما يضاهي=المتاع اكفان شاش ونازل القبر الهيالي
قبلنا كم رجل جمعها وغادر زي ماهي=لايصل يمه بريد ولا يجي منه اتصالي
وانت تامر يارعد واطلب يجي مالي وجاهي=تعرف اني صعبه ابخل فوق واحد من عيالي

[حمد العطاوي]

صح لسانك ولا هنت

[قف امامك عتيبي]

مشكووووووووور وتقبل مرورك ولاهنت وبض الله وجهك
11
1
1
11
1
1
1
11
1
1

[صقرالحره]

صح لسانك ومشكور بارك الله فيك

[معلا إبراهيم الأسعدي]

ابن زراق



اقول بيض الله وجهك على القصيده الجزله

هنا طعم الشعر وإنتقاء الكلمات الموحيه

تسلم تسلم مدد بلاعدد


تقبل مودتي

اخوك شامان

التوقيع

[احمد الملاح]

مشكور وما قصرت على القصيده الجزله

[الزراقي@]

ابن زراق وشلونك عساك طيب ما عرفتك

ابو ممدوح يستاهل من يصوتله

والقصيده معبره عن نفسها ما تبي شهاده مني


تقبل احترامي وتقديري