هلا مرحبا ...

[سلمان الروقي]

هلا مرحبا في دارمن يكرم الضيف=عتيبه تعز الضيف ويكرمونه
ابابداء على معنى وسوقه كما الكيف=بهاره جزيل القول واجمل لحونه

[بندر المرشدي]

يدوم البقاء لكن ياصاحبي كيف=ترحب وتو معرفك يقبلونه
لاعلك من اللي يحتمون المواقيف=تفضل واخذ من ما تقدم نمونه

[سلمان الروقي]

مدامي من اهل البيت والعز والسيف=أرحب ضحى وعصير بلي يجونه
لون الامر في يدين ناس(ن) ملاقيف=يجي ثم يلقاء الباب مصكوك دونه

[بندر المرشدي]

ليا جيت سلّم حسب سلم العواريف=ترا كل شئ وله نظامً يصونه
يالاجواد قبل اليوم سلمان ما شيف=وحنا بنينا البيت قبله بدونه

[سلمان الروقي]

ترى سلمنا الترحيب لازارنا ضيف=ولاني من اللي سلمهم يعكسونه
ترى الرجل لو سوى كثير المعاريف=مايقعد يعددها لاجل يشكرونه

[مالك الذيابي]

سلمان الروقي , صح لسانك يالذيب
التحدي , صح لسانك ياكحيلان

واصلوا وانا متابع

[بندر المرشدي]

بلشنا معك يامصرف الهرج تصرف=عرب يسمعون العلم ما يفهمونه
هوينا المراجل ما حسبنا التكاليف=وصلنا لشئً يقصر الاش دونه

[سلمان الروقي]

لياجبت لك حديث والمسند أضعيف=ترى اهل الفكر والعقل مايقبلونه
مافيكم قصور ارجال والكم مواقيف=وحناهل الميقاف واللي يحمونه

وصح السانك يالذيب ..ولي الشرف بلعب معاك

[نايف بن ملحق الثعلي]

سلمان الروقي


والتحـــــدي


لاهنتووووووو شعراء مبدعين



وصح السنتكــــــــــم ....

التوقيع

ما هوب لازم توقيع00