الكــــفن والنصـــايــــب

[خالدالعصيمي]

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حان السفر واخذت اجهز ثيابي"=
مجبور اخلي ديرتي والحبايب
وبرمجت موعد رحلتي في حسابي"=
وودعت خلاني شبابه وشايب
ويومن بديت اجمع بقايا زهابي"=
مرت علي دولاب فكري غرايب
ذكرت لاجا الموت يطق بابي"=
ويقول جهزنا الكفن والنصايب
واحترت وش بتكون صيغة جوابي"=
وانا العمر كله ذنوب ومصايب
وسرحت افكر يوم يطوي كتابي"=
في يوم تبكيني هلي والقرايب
وقامت تجاذبني مراحل شبابي"=
يوم العقل فيها عن البال غايب
ومرت على شاشة خيالي ركابي"=
ولاشفت خيرن فوق ذيك الركايب
وقمت اتخيل فزتي من ترابي"=
وقتن به الدنيا دمار وخرايب
يومن به حدود العرق للعلابي"=
والناس تنظر حل كل الطلايب
قلت الله الخيره شبابي غدابي"=
وش حيلة اللي مات ماصار تايب
طالبك يامن تدري بكل مابي"=
من أول التكوين لتلى الصلايب
انك تسامحني وتلغي عذابي"=
من صفحتي حيثك جزيل الوهايب
انا ضعيف ولايزبن اجرابي"=
وانت الكريم ولا حدن منك خايب
ارجيك لاتم العدد في نصابي"=
انك تزكيني ابليا شوايب
وتهد ذنبن كنه الحيد نابي"=
وتبدله بجنانك ام العجايب
والخاتمة ياللي سمعتوا خطابي"=
تفكروا كل ماعلى الأرض ذايب
وصلوا على المبعوث عنا يحابي"=
الله بعثه لحل النشايب





راشد عثمان السكران





-
[/poet]

[((الدلبحي))]

واحترت وش بتكون صيغة جوابي" ii

وانا العمر كله ذنـوب iiومصايـب
صح السانك والسان السكران
قصيد جزل وفي محله
تسلم يمناك

[نادرالامير]

لاهنت ياخالد


قصديده تستحق النشر والمتابعه


لا عـــــــــــــــد منــــــــــاك

[راع الاخبار]

خالدالعصيمي مشكور

[خالدالعصيمي]

الاخ ((الدلبحي))

مشكوووور على مرورك الكريم

لك اجمل تحيه من خالد العصيمي

[خالدالعصيمي]

نادر الامير

مرحبا بهالطله

لك اجمل تحيات

خالد العصيمي

[خالدالعصيمي]

راع الاخبار

زانت أخبارك

مشكور على مرورك

لك اطيب تحيه