هذة قصيدة لشاعر الشاب / عجب بن صنهات السعساع الشيباني , وقد نشرت في جريدة الرياض قبل حوالي سنة تقريباً , وهي عبارة عن نصيحة....
يقول الشاعر عجب:
ان كان تنشدني عن الحال ياسعيد=جسمي نحل والجرح ماهوب باري
جرحاً قديم وجدد اليوم تجديد=وعيني من اسبابة تهل العباري
وعزي لمن رافق هل الشر والكيد=قامو يهرشونة سوات الضواري
وشعرت بالاحباط من زيد وعبيد=واقفيت عنهم في دجى الليل ساري
عن زود هرجاً يمرض القلب ويزيد=حبيت مسراً في دياج الغداري
الدين عزة والجهالة مناقيد=يالي بسوق الغي بايع وشاري
تفرح لياغرد لك الطير تغريد=وتحزن اليامنه جرالك جواري
والشاهد الله غير الاصلاح ماريد=لكن بانتلي علوم وشواري
لوكان مالي غير هذي مقاصيد=يالي تبي في الدش مظهر حضاري
اتقلد الكفار في الطبع تقليد=وللشر في وجهك رسوم ومواري
فعل المعاصي سود الوجة تسويد=ولانتب على كسب النواميس ضاري
مشرداً فكرك من الدش تشريد=وفي اليوم يطريلك ثلاثين طاري
ارجع لربك وطلبة ومسك السيد=وجنب طريق مفوحين الغواري
ان كان ماشيدت مبناك تشييد=ابليس سوالك جسور وكباري
إشهر كما حراً تعلى على الصيد=لالبدت في القاع شهب الحباري
مع رفقتاً مايخلفون المواعيد=يمشي سلفهم مع جداد الاثاري
قصيدة الشاعر/ عجب بن صنهات السعساع الشيباني...
تحياتي......