حــي وجـــه الــمـرجـلـه

[السيحاني]

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
اســــــــــــعــد اللــه اوقــــاتــكــم


حــــي وجـــــــــه الــــــمــــــرجــــلــه


لاطفيني يالهموم البيـض واسـج الركايـب "="الدروب اللي بليا هـم فـي عينـي طويلـه

يابعد زرق المزون ويابعد غـرّ السحايـب "="جعل والله فدوتلك نـوض بـراق المخيلـه

مخلصٍ لي من همومي تسعه وتسعين شايب "=" لاخلينا من لحاك البيـض لـو انتـي ثقيلـه

حالفٍ وان كان جيتي مرحبا والحظ غايـب "="وان دخلت بوجه حظي جعل مايزبن دخيلـه

قالوا ان الحظ لامن ركّ ملعـون الصلايـب "="الاّ انا بقول لامن قـام لـه خشـم الفتيلـه

والله ان ابعد همومي صار بحساب القرايب"=" كل ماضاقت عيوني يعتزيبي وانتخـي لـه

والله اني مانشدت الهم عن ويـش السبايـب "=" غير قولة كثّـر الله 0 كـل ماجتنـا قليلـه

ياهمومي جعل مالك عندنا قبـر ونصايـب "="كـل هـمٍ يرفـع المقـدار كاسينـا جميلـه

ياهمومي لو انا وياك في هـوش وطلايـب "=" من يبور بصاحبه لاسمـح المولـي سبيلـه

ويالهموم ان كان لك غيري معازيب وحبايب"="مدخلـك بالله لاتاطـيـن وادي الحنثويـلـه

والله اني محزمك لاراحت الدنيـا عجايـب "="ووالله انك محزمي لاضيـع العاقـل دليلـه

عنك والله لو اتوب اكذب ولاني عنك تايـب"=" من يتوب عن النواميس الحلال المستحيلـه

كيف ماسرج لك مهار وكيف مااشد النجايب "="وانتي اكبر ميزةٍ فالـدم ياويـش الفصيلـه

حبني للشلتحه عن وجه مجـدول الذوايـب"="يوم ناصر يذرف العبرات لافـارق خليلـه

حي وجه المرجله لاجات باطراف المصايب "="ارحبي ترحيبة ابن مهيد لضيـوف القبيلـه

ارحبي وان جات من سود الهموم ليا الهبايب"="لعنبـو رجـلٍ لياجاتـه يعرضهـا شليلـه

السعد من عند والي العرش قسام الوهايـب"="شلّـت وغلّـت يميـنٍ لاوهبهـا الله بخيلـه



وســـــلامـــتــــكـم
[/poet]