طاروق جديد واللي يبي يلعب يدخل..

[ابو شرف]

يا سلام الله سلام وطاري فالصدر طاري
........................طاري علم جديد وعلمكم لا تخلفونه
ان لقيتك يالعتيبي وان لقيتك يالمطاري
.......................كل شاعر ياجماعة خير يمشي على هونه

الرد الرد.

تحياتي..

[محمدابوشهاب]

مرحبا عندالرجال اللي بهم دايم نماري=من عرفهم قال كل الطيب معهم يملكونه
انت قل لي وشتبي وشفيك يارجل انتحاري=كان بك جني ترى المجنون نظهرله جنونه

[ابو شرف]

البقا ياللي ترحب مير خلك فالكباري
...................تعرفونه يالجماعه ولا لا ماتعرفونه

صاحبك دايم بسيفه وانت دايم بالشباري
..................تشربون العلم شرب وتاكلونه تاكلونه

استلم يالذيب..

[عبدالله السبيعي]

المشاركة الأصلية كتبت بواسطة محمد ابو شهاب

مرحبا عندالرجال اللي بهم دايم نماري=من عرفهم قال كل الطيب معهم يملكونه

من عرفهم قال كل الطيب معهم يملكونه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[محمدابوشهاب]

ياطويل العمرانا عن حالتك ماني بداري=كان عندك علم هات العلم وابشربالمعونه
ياتدل الدرب راضي ولادليتك جباري=هالنمونه مشكله يقطعهم الله من نمونه

[محمد العضياني]

ابو شرف محمد ابو شهاب


صحت السنتكم محراف راقي من بدايته

و يستحق المتابعة

[عقاب البرقاوي]

أبو شرف وش فيك مطفي النور على الرجال الكلام أخذ وعطى :d


أبو شهاب اشهد أنك رهيب

ياطويل العمرانا عن حالتك ماني بداري
------------- كان عندك علم هات العلم وابشربالمعونه
ياتدل الدرب راضي ولادليتك جبـاري
------------ هالنمونه مشكله يقطعهم الله من نمونـه

:d:d


على العموم

واصلوا لا هنتوا متابعينكم وآسف على المقاطعة