هذة القصيدة مرسلة للشاعر: فلاح خالد المورقي

[شبيب شافي الملعبي]

هذي قصيدة علشان يالاخ طارق النفيعي

هب ريح العليل ويمته من شمال =يوم هبت نسانيسة علينا طريت
جاء خيالك وذكرني وكن الخيال = ماتركني ولاكني تركت الكويت
والا أنا يوم أسافر قبل مدة ليال = قاصد أنساك لكن يالغظي ماقويت
حي طاريك ياللي دونك البعد حال = ياعذابن سكني حي واليوم ميت
قبل لاروح منك الدمع حول وسال = يوم شفتك تودعني بعينك بكيت
قلت أبغيب يمكن بالسفر لي مجال = أنتهي منك لحظة مير أظني بديت
أثر طول المسافة ماتزيل الوصال = لو تحول المسافة بيننا مانسيت
صار بعدك عذابي ياكثير الدلال = حدني عن منامي لين فيك أحتديت
زارني وإعتناني في رضى وأنفعال = نوب أغمض ونوب أفتح لقياه بيت
أفسح الفكر له وأجلس معة في الضلال = وأستمع له ولامنه حكا لي وحيت
وأتبادل له الهرجه بعف ودلال = وأن سألني عن الغيبات منة أستحيت
وأتحاشى سؤالة ثم أرد السؤال = ليه أنا كل ماقلت أنتهي ماأنتهيت

الشاعر : شبيب شافي الملعبي