طلبات تخص العلم رشيد الزلامي

[العفريت]

الف شكر للجميع بدر المر صاحب الفكره
الجذع على مجهوده
الذيب والنادر نادر العش له الف الف شكر من كل عتيبه على مجهوداته الرائعه

[نادر العش]

..


العفو ياجماعة ماسوينا إلا الواجب,




* * *



إستلموا يا أعضاء الهيلا :




هذه محاورة بين رشيد الزلامي و عبدالله بن عتقان السلمي .


ويدور بينهما معنى ,,

وللإيضاح البسيط : يقول الزلامي لإبن عتقان بألا يعيد بعض الكلام الذي يذكره ابن عتقان بعض الأحيان في المحاورات ,, لأنه كذب وإفتراء ..



فإليكم :



رشــــيــــد الــــزلامــــي

إبن عتقان في وسط البحر والبحر جزر ومد
... وفي جيبه حصاةٍ من جبال أسليـم شايلهـا

بعد مامرنا مسرع وقال إلنـا سـلام وصـد
.. حرامٍ من حزامـي مايـروح ليـن يأكلهـا




عــــبــــدالله عــتـــقـــان

يأبن زيد الزلامي مايصـح إلا كـلام الجـد
..إبن عتقان يأخذ وزعتـه ماهـو بجاهلهـا

مدام إني مجهز للخصوم الكحـل والمـرود
.. فيا كثر العيـون اللـي تطالعنـي وأكحلهـا




رشــــيــــد الــــزلامــــي

نبي نعطيك مايرضيك دام إنك بسطـت اليـد
... ومن دور لها عنـد العـرب لازم يحصلهـا

تفصل لك ثيـابٍ مانبيهـا ياعريـب الجـد
.. على زيد العضيلـه روح مترهـا وفصلهـا




عــــبــــدالله عــتـــقـــان

عسى ربي يكثر خيركم ماني ضعيف أشحـد
... كبـيره يالزلامـي طـال عـمـرك لا تكـملهـا

كلامك يالزلامي مالقينـا لـه رجـل يشهـد
.. فلا تكثـر علومـك ياطويـل العمـر قللها




رشــــيــــد الــــزلامــــي

نهار اليوم ولا ميـر هـذا ليلـك الأسـود
. . . تكفـي الأولـه والثانيـه مانـي بقايلـهـا

نبي نضغط عليكم لين أحد يجلس وأحد يشرد
. . . وتشعر بالمصيبه فالعظام وفـي مفاصلهـا




عــــبــــدالله عــتـــقـــان

أشوفك يالزلامـي تفتـل الأشنـاب وتهـدد
.. نسيت إن الجبال الراسيـه محـدٍ يزلزلهـا

تبي تقعد مثل مستور والثانـي تبـي تقعـد
.. معي زيد العضيله واهجـاد اللـي نقاتلهـا




رشــــيــــد الــــزلامــــي

أقول ونعم لكن لن صدمنا في جبلكـم شـد
. . .وتصبح عندك الضلعـان خاليـةٍ منازلهـا

سليم أصحابنـا وإليا بغيناهـم كـلامٍ جـد
نعصر أخشومهم والقوم مانعـرف نجاملهـا

. .



قصيرة وجميلة ,, وكلاهما رائع .



**


لاتروحون بعيد ,, الخير واجد .





مع أطيب الأمنيات

[بدر المر]

اشكرك اخي العفريت على الاطراء
وبالنسبة لك ياخي العزيز نادر العش فلساني عاجز عن الشكر لمجهوداتك وابداعك واشكرك
وبالمناسبة اذا عندك ارقام او تواريخ لاشرطة رشيد الزلامي عند القصير اذكرها لي الله لايهينك بشرط تكون قوية وخصوصا فيديو واذااشرطة مسجل يمشي الحال ومشكور وجزاك الله خير

[تركي البرّاق]

السلام عليكم ورحمة الله وبركاته

ماقصرتووووا وعساكم على القووووووو ورشيد الزلامي شاعر كبير ولا عطينه شي منمايستاهل الله يطول في عمره ابو جميل
سليم أصحابنـا وإليا بغيناهـم كـلامٍ جـد نعصر أخشومهم والقوم مانعـرف نجاملهـا
<--في ذي صدق والله انه مايجامل وعز الله انه كفوووو



بس ليش حقت رشيد وخليف ماتشتغل معي @!@ يحملها بسرعه وتطلع رساله انها ماتنفتح ((أطلب الله ))


الحل لاهنتــوا

[بدر المر]

الظاهر ماعندك البرنامج اللي يشغلها يامروي الشطير لانها على صيغة الجوال وان كان عندك جوال ارسلها عليه مثل الباندا او الدمعه
واسم البرنامج اللي يشغلها على الكومبيوتر نوكيا ملتيميديا

[حمد العطاوي]

السلام عليكم ورحمة الله وبركاته...... اما بعد ارجو منكم ان تحطولي محاورات با الفيديوللرشيدالزلامي ..................... وشكرا جزيلا

[الدعجاني 000]

بدر المر مشكور على الموضوع


نادر العش

بيض الله وجهك كفيت وافيت

وصح لسان الزلامي وبيض الله وجه


ولاتحرمنا من ابدعاتك

آخر تعديل الدعجاني 000 يوم 22-Sep-2007 في 11:21 PM.