::نقدم ولـــو دون المعـــادي شياطين = لو تتحــــد الجن والانس شتــــــــــان :::::::

[عقاب الحويماني]

السلام عليكم ورحمة الله وبركاته



هذه قصيــده من بدع الشاعر / تركي بن متلع القبع . بمناسبة ملتقى


مـــزاين قبيلــــة الهيـــــلا (عتيبه ). وحبيت ان انقل لكم هذه المفخره


الشعــريه آمل ان تحـــوز على جزء من ذائقتكم الشعـــريه .

يشوش راسي لاسمعت العناوين = ومن السطر يقدح من الشعر قيفان
ياعتيبه (الهيلا) صعوط المجانين = لاصاح صياح الضحى برأس مابان
ربعي عتيبه مرهبين الشجيعين = اليا عتزينا ثار بالارض بركان
نقدم ولو دون المعادي شياطين = لو تتحد الانس والجن شتان
فوق المهار اللي سوات الشياهين = لاثار عج الخيل في غب الاكوان
وكثرت عزاوي ملحقين المخلين = يبين فعل" لعتزينا بعتبان
سقنا السرايا لين جينا الميامين = ومن لارضى بالهدو يرضى بحقران
سبع " تقفتهم وهمه مقفين = في كل مره ينهزم طير حوران
يشهد لنا محمد زعيم القحاطين = واللي حكم ياناس في وسط برزان
وتشهد لنا عروى وحنا القويين = يومنها ثارت بملح" ودخان
جونا الضياغم والضياغم سلاطين = وحنا إرتكينا بمضرب السيف والزان
ويشهد لنا ضال المسمى الى اللحين = يوم اقبلت سبع القبايل على شان
تبي اراضينا وحنا العزيزين = وحنا كسرناهم بخيل " وفرسان
كم شيخ قومن طاح وسط الميادين = خلي عشا للطير والذيب سرحان
وطلال فيها للمعارك قوانين = جمع " تجمع بين حضرن وبدوان
ثم بان فعل مرجحين الموازين = يقودهم مسلط وهو نسل سلطان
في وسط يومن فيه ذل المعادين = تسعين بس اللي ذبحنا بشامان
ويوم الرحى بانت فعول الميامين = محمد اللي فك شرفه بكرزان
و ضربات سيفه تودع الشيخ نصين = كم فارس" من ضربته صار شرقان
وانا ذكرت فعولنا بالعناوين = واللي بقا كمن " من العز مليان
واليوم حنا تحت ضل السلاطين = اخوان نوره نسل فيصل وشقران
حكامنا اللي همهم خدمة الدين = دستورهم مابين سنه وقرآن
والبل لها دورن من اول لهالحين = مايقني البل غير شيخ" وظفران
وآيات ربي نازله زود تبيين = مذكورة" مابين آيات رحمان
واليوم يا العتبان دور المزايين = 20 / 10 ثابته وسط عنوان
في محفلن فيه النشاما مقيمين = عتيبه (الهيلا) هل العز والشان
نمشي تحت ضل الشيوخ العريبين = مّقدم عتيبه كان للعلم نيشان
وختامها صلوا على محمد آمين = محمد المختار من نسل عدنان

وسلامتكم ,,,,,,,

آخر تعديل عقاب الحويماني يوم 19-Sep-2007 في 10:56 PM.