مــزايــن الــهــيلاا

[مالك الذيابي]

ماعاد تنفع فاللـزوم المعاذيـر=للموقف الغصّـاب يالله مشينـا
تكفون ياروس الرجال المناعير=العزوه الهيـلا تنـادي علينـا
10/20/ كلبونـا علـى خيـر=فالموقـع المذكـور متواجدينـا
الصف واحد والنوايـا مغاتيـر=وليا بدى اللازم يسـده حدينـا
نبي نرحب بالرجـال المساييـر=يامرحبا باللـي نجيـه ويجينـا
من زارنا يلقى معـزّه وتقديـر=أسلوم اهلنا اللي عليها ربينـا
في ظل حكام البلاد المشاهيـر=اخوان نوره لاعتزوا واعتزينـا
في كف ابو متعب سيوفٍ بواتير=يضرب بنا صم الجبـال وتلينـا
من دونهم نرد المنايا طوابيـر=يشهد على قولي قديم السنينـا
يالله يامنش السحاب المزابيـر=بحمـاك حنـا كلنـا محتمينـا
تعز دولتنا وتكتب لنـا الخيـر=وليا عيدنا العيـد الأول مشينـا
ماعاد تنفع فاللـزوم المعاذيـر=عتيبـه الهيـلا تنـادي علينـا

الشاعر / مطر العضياني

آخر تعديل مالك الذيابي يوم 18-Sep-2007 في 02:23 PM.