سال وادي الهييشة وسالت غثاة

[النايع]

سال وادي الهييشة وسالت غثاة


السلام عليكم ورحمة الله وبركاته
أتمنى تعجبكم الابيات

آه من خاطرٍ ما سلا من عناه = له زمانين ضايق وهو ما سلي
فيه قداد لداد مدري وراه = شايقٍ ضايقٍ ناشبٍ مبتلي
غارقٍ في همومٍ وليٍ لواه = ذاب بالدم يجري مع الأكحلي
مير يالله بنوٍ تجيبه عساه = يشرح الروح مادام حالي شلي
حادرٍ خادرٍ مع برودة شتاه = صادقٍ من مناشيه جاء مقبلي
ينثر الماء على كل خدٍ وطاه = ضافيٍ يتبع التالي الاولي
الله أكبر ياليلٍ سحابه سراه = ما خبا برقه اللي سرى يشعلي
ينفتق في دياجير داجٍ غشاه = واهجٍ عنه ظلما السماء تنجلي
انهمر من غمامه هماليل ماه = طول ليله وهو ساكرٍ يهملي
ويوم مزنه تهشم بعالي سماه = قام يصفق على الارض صفق الدلي
صب عبّاب وجه البسيطة سباه = والسحر هاطله هاميٍ يسبلي
ثم جهّى المطر عقب وقت الصلاه = وحال دون الشفق مزنه معزّلي
ما بقى حاجرٍ ما تعدى ملاه = الغبا ممتلي والنقا ممتلي
والوكاد الخبر نقّلوه الرواه = جابوا العلم من يم ديرة هلي
سال وادي الهييشة وسالت غثاة = وفاضت مراطبة سيلها يذهلي
كن وادي الرشا يوم سيله علاه = نهر نيلٍ تعلاّه موجٍ علي
عقب يومين لج الخضار بثراه = ادبق البذر في الوادي الممحلي
اكتسى القاع والضلع عشبه كساه = ما حلا نبته اللي كسى الاقذلي
ودي الوقت كله ربيع وطراه = لكن الله على ما يشاء يفعلي
ماشيٍ في مراده على ما يراه = عاليٍ معتلي ماش غيره ولي

وسلامتكم

آخر تعديل النايع يوم 23-Aug-2007 في 03:39 AM.

[مخلف الهقاوي]

النايع..

لله درك..

وصف لايعلى عليه

صح لساااانك

احتراماتي

[مرزوق حمدان العتيبي]

...
.
النايع شعرك نادر وجوده
وابداعك وبل ٍ منهمر .... لله درك وصح لسانك
.....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[النايع]

أبناء العم

مخلف الهقاوي
مرزوق العتيبي

صحت أبدانكم وشهادتكم كأبناء عمومة وكشعراء مميزين أعتز بها

تقبلوا تحياتي

[أبو نجر النفيعي]

..

النـــــــــــــايع ..

أبــــــــــــداع للغايـــــــــــه ..

قصيده جزله وتسنحق الاشاده والثنى .. وصح لسانك مدد بلا عدد ..
قصيده لا تمل من يقراها .. كتبت فأبدعت ..

وفي انتظار مالديك من الابداع بشغف ..



أخوك..

التوقيع

.....

[النايع]

المشاركة الأصلية كتبت بواسطة أبو نجر النفيعي

..

النـــــــــــــايع ..

أبــــــــــــداع للغايـــــــــــه ..

قصيده جزله وتسنحق الاشاده والثنى .. وصح لسانك مدد بلا عدد ..
قصيده لا تمل من يقراها .. كتبت فأبدعت ..

وفي انتظار مالديك من الابداع بشغف ..



أخوك..

صح بدنك طال عمرك

وحاضرين باللي تبي

تحياتي

[عايض بن زوير]

أخوي النايع

أبداع وخروج عن المألوف

تحياتي.. ومروري

؛

؛

؛
؛
مقاطي الحجاز

[النايع]

صح بدنك يا مقاطي الحجاز

تحياتي

[عيضه الثبيتي]

النايع رائع رائع



صح لسانك على الأبيات المتميزوه والبحر المتميز



تحياتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[النايع]

المشاركة الأصلية كتبت بواسطة عيضه الثبيتي

النايع رائع رائع



صح لسانك على الأبيات المتميزوه والبحر المتميز



تحياتي

الأميز مرورك طال عمرك

صح بدنك

تحياتي