الله من قلب به النار ......../رشيد الزلامي

[هلال الدوادمي]

هديه صغيره ............لمحبي هذا الشاعر

(ترقبوا ..... مجموعة قصائده...النوويه)

الله من قلب به النار تشــــتب=هبت وضبت واســـتمرت شبوبه
قلبٍ غدى للهم ما رد ومشــرب=وما ضاع من هم العرب راح صويه
همٍ على ربع وهمٍ على شـــبِ=باليوم والســــاعه همومه تلويه
والله من عيرنٍ تصب العبر صب=صب القلـــيب اللي تدالج غروبه
يا عبيد انا ما نيب ضبٍ ولد ضب=يصبر لما يســـمع وينفخ ذرويه
انا عتـــــيبي عريبٍ معرب=لي ما قفٍ كل الجمــيع شهدو به
من سب داري قـلتله كب ثم كب=وارخصت روحي دون داري جلويه
لو أتعبن سبابها واتـــــعذب=صبرت من شان الوطن للــعقوبه
والسجن ما هو عيب شئ مجرب=لعلم المسجون ما هي ذنــــوبه
يلومني خبلٍ إلا ما تــــغرب=ينسى الوطن خسروا هله يوم جو به
فوده مع الضفران صفر مـكعب=غطـــــيس قلب لذة النوم دويه
وانا على كل الجنوب اتقلـــب=ما ذقت حلو النوم يوم اهــتنوا به
واقنب قنيب الذيب في راس مرقب=من حر ما به قام ينهش جـــنوبه
يحيني الغربي عـــصير إلاهب=ريح الديار الطاهره هـــــبوبه
ريحة هواها مكسبي يومنــكسب=اخير من ريح البحر والرطـــوبه
عسى السحاب اللي من العصر ينص=دلت هما ليله وهبت انصــــويه
يصقى وطن راعي العقال المقصب=نجد العزيزه وغرب نجد وجــنوبه
ياديرتي ما تقبل الشتم والـــسب=يا منبع الإسلام دار الــــعروبه
يفوز مذهبها على كل مذهـــب=وعلى مقلبت المذاهب عــــقوبه
يحكم بشرع الله والـسيف الأرقب=ولا شق فيها طالب الحـــق ثوبه

رشيد الزلامي ..............

[ذيب الزيادي]

صح لسانه مليون ...رشيد الزلامي
والله يعطيك العافيه يا هلال ولاتحرمنا من جديدك .

[هلال الدوادمي]

ذيب الزيادي ....

الله يعافيك وهذا واجبي تجاه كل شاعر (عتيبي)

ان لا نبخل بنشر قصائده .....سواء القليل او الكثير منها


لاهنت على المرور يالغالي


تقديري ...واحترامي

[ابوبجاد الرويس]

اخوي هلال الدوادمي

وصح لسان الشاعر ابوجميل

وتسلم يمنيك على النقل الرائع ,,,,,,,,,,,,,,,,

[فهـد الجـذع]

انـا عتيبـي عـريـبٍ مـعـرب لي ما قفٍ كل الجميع شهـدو بـه
صـح لسـان الشاعـر & رشيـد الزلامي

ولاهنــت يـا هلال الدوادمـي



تحيــاتي


أخوك

فهـد الجـذع

[متعب العصيمي]

صح لسان الشاكر الكبير/ رشيد الزلامي.

والله يطول بعمره .. ولاشلت يمين الناقل ويعطيه العافيه..

ولك كل التقدير..

[هلال الدوادمي]

ابو بجاد الرويس ..

هلابك يالغالي ...

ولاهنت ..على التواصل في الردود على المواضيع

عسى فالك الاشراف ... يالغالي

لاهنت00لاهنت00على المرور

[هلال الدوادمي]

فهد الجذع ...

ولا انت يالغالي ...

لاهنت على المرور ...

تقديري..واحترامي

[هلال الدوادمي]

متعب العصيمي ..

هلابك والله..

ولايمينك عسى عمرك يطول ..

الله يعطيك العافيه

يالغالي