سليمان ال شريم ( مجمل تاريخه ).

[عباس مشعل الشيباني]

بسم الله الرحمن الرحيم

السلام عليكم ورحمه الله وبركاته

الحمد لله رب العالمين والصلاه والسلام على اشرف الانبياء والمرسلين , نبينا محمد وعلى اله وصحبه وسلم تسليم كثيرا , الى يوم الدين . اما بعــد ...

استقرائات حول شاعر كبير عرفته انحاء الجزيره العربيه لا سيما انه شاعر نسج من الشعر ماقد يكفي قليله عن كثيره نسقترء واياكم عبر :

.:: موقع قبيله عتيبه الهيلا ::.

.:: النسخه الثانيه ::.


الاستقراء الاول للشاعر الكبير سليمان بن ناصر بن سليمان بن ناصر آل شريم ، من أشهر شعراء نجد في النصف الأول من القرن الرابع عشر ، وهو من أسرة الشريم أهل شقراء والسر ، والتي تعود بنسبها الى فخذ ( الحراقيص ) من قبيلة بني زيد

ولد في عين بن قنّور بالسر سنة 1300هـ ، وتعلم القرآن وواصل التعليم حتى بدايات شبابه حين بدأت موهبته الشعرية بالظهور في قصائد حماسية تطلبتها تلك الفترة الزاخرة بالأحداث ، وبعد الحماسيات عرف ابن شريم بالغزل وطرق كافة ابواب الشعر مما وفر له شهرة مبكرة تجاوزت السر والوشم و القصيم ووصلت بلاد اخرى ومن بينها الكويت التي عاش فيها فترة من حياته ونال شهرة كبيره خاصة في محاوراته مع شاعرها الكبير صقر النصافي وغيره ، وعندما عاد سليمان بن شريم الى بلاده لم تطل به الحياة حيث توفي سنة 1363 هـ بمدينة بريدة التي استقر فيها سنوات عمرة الاخيرة تاركا تراثا كبيرا يقدر بعشرات النصوص الرائعة .

وقد تنقل بين بريدة وعنيزة والسر والكويت ، وكانت إقامته في بريدة أكثر من غيرها وفيها توفي


مارس سليمان بن شريم شعر المحاورة مع صقر النصافي ومرشد البذالي وعبدالله اللويحان ومحمد الناصر ( الحريقي ) ، وسعد بن هدلق ، وسعد بن دريويش وغيرهم ، قال عنه ( مسعود بن سند ) صاحب ( التحفة الرشيدية ) : ( هو من فحول الشعراء النبطيين لا يدانيه أحد في إبداعه وشاعريته وقد سمعت مراراً من شعراء كثيرين وأدباء بالكويت والجزيرة العربية أنه يلقب بحق متنبي القرن العشرين ) .


وهناك ملاحظة هامة وهي أن طلال السعيد قد وهم في كتابه ( موسوعة الشعر النبطي ) عندما نسب الشاعر سليمان بن شريم لقبيلة سبيع الكريمة فهو من فخذ الحراقيص من قبيلة بني زيد .


وهناك أكثر مصدر ترجم له من أفضلها كتاب شعراء من الوشم لليوسف ، وهو في مجلدين



ذريته وأسرته



الشاعر سليمان بن شريم أعقب ولداً واحداً اسمه عبدالعزيز ، وعبدالعزيز توفي ولم يعقب ذكوراً ، فليس للشاعر عقب الآن

وليس لسليمان بن شريم أخوة من الذكور ، بل له أبناء عم قريبين وذريتهم هم آل شريم سكان الشريميّة بالسر ، وبعضهم الآن يسكن الرياض

وآل شريم أهل السر أبناء عم لآل شريم أهل شقراء كلهم أسرة واحدة ، ومن الشريم أهل شقراء محمد بن شريم الملقب الخضراوي وهو أحد أمراء شقراء لكن أمارته لم تدم طويلاً ، وحفيد محمد بن شريم هذا هو الشيخ سعود بن إبراهيم بن محمد الشريم إمام وخطيب الحرم المكي حالياً


وقد رأيت وثيقة لا يوجد فيها تاريخ ذكر فيها جد الشاعر وهو سليمان بن ناصر بن شريم ، وكاتب الوثيقة توفي في حدود سنة 1270هـ تقريباً ، وقد كتبت في السر .





كتبه : زكي بن سعد أبومعطي ( فتى بني زيد )

نبتدي مع قصيدته المشهوره حيث يقول بها , ناصح لابنه عبد العزيه في هذه الابيات يقول فيها :

يامل عين في محاجيرها الشوك=والقلب به عن لذه النوم دكـــــــاك
لادك في قلبي من الهم داكــــوك=جاوبت طربات الحمايم على الراك
عزي لحالك ياعزيزة وانا ابوك=كان الزمان الي وطاني توطــــــاك
افهم وصاتي ياعزيز وانا ابوك=دامك صغير وغايه العلم تقـــــراك
تراه ماينفعك خالك ولا اخــــوك=لا صار ماتقضي لزومك بيمنــــاك
وربعن الى بان الخلل فيك عافوك=اقرب قريب لك من الناس يشناك
ان كثر مالك صدقو لك وطاعوك=وان قل مابيديك شانت حلايــاك
لو تطلب الماء عندهم كان ماسقوك=ابعد مزارك عن وطنهم ومرباك
ان طاب حظك صدقو لك وطاعوك=وان بار كل مايبي غير فرقــــاك
والى اعترضك من صروف النيا صوك=كل تبرى منك ماهوب يــــــــاواك
هراجه المجلس ليا جــــــيت وروك=منازل تطرب نظيرك بدنيــــــــــاك
والى قضو منك اللوازم وخلــــــــوك=تفرقوا وانت احتمل كل ماجــــاك
كنك سراج البيت للنور شبـــــــــــوك=والى انقضى اللازم حدىآ الربع طفاك
ولا كما ليمونه الحمض مصـــــــــوك=والى قضى منها الطعم فرغو لذالك
واللي يجي من رفقته ريب وشكوك=احذر عنه الياه يصدف بمســـــراك
والى جفوك اهل الوطن واستخفوك=قلع غرايسك منهم واهدم ركايـــــاك
تراك لو تنجع على الرجل صعلوك=احسن من الي تلتجي له وياطــــــاك
عطهم وضيفهم اليا من هم جوك=واغلق ضميرك لا تعلم بقصيـــــــاك
انطب ماحبوك وان عبت زاالوك=تمضي حياتك ناقل داك بــــــــــرداك
والى نفوك من الوضيفه وعافوك=خفت موازينك وكل تهقــــــــــــــواك
واصحىآ لخلان الرخىآ لو تغالوك=اعرف ترىآ اطيبهم الا احتجت يجفاك
كنك خوي مقيط دهووك واغووك=وحقك عطاك رشاك واقفىآ وخلاك
واحذر عن العيله ترىآ الحق مدروك=مثل العمل يدركك مامنه فكــــــــــاك
وان كان عداونك على الضيق حدوك=فاخصم طلابتهم بعجفاك وقـــــداك
وان كان هم لمشرف الحق ماشوك=ناظر مطاليع الفرج قبل مبـــــــداك
وان طاوعو شيطان الانفس وهانوك=فاصبر على البلوىآ ودفت زراياك
زرهم تراك اليا تونيت زاروك=ان مابديت لصاحب السو يبــــــداك
مادام هم ماطاوعم لك وعرفوك=اضرب على الكايد ليا عمست ارياك
لو ذلهبو لك من المصااوب وضدوك=مايذبحونك قبل تدنىآ منايــــــــــاك
واحلم على الجاهل ترى الحلم مبروك=وقم للضعيف الي من الضيم ينخاك
ادمح خطا جيران بيتك الى اذوك=ترى الصغير ورحمه الجار بحماك
عطهم رواتب حقهم لو تناســـــــوك=في كل مايصلح لدينك ودنيـــــــــاك
وقم للضيوف الي لفو لك وضافوك=اغلا كرامتهم حجاجك وبشــــــراك
واعرف ترى مالك للاضياف مشروك=لولاه يطلب حاجته كان ماجــــــــاك
وقم للرجال الي ان رايعو لك وحبوك=واحشم خويك واكرمه عند ملفــــاك
واليا اعتبرت بسيره الناس كفوك=ماكثر من شي اتعبك ثم عنــــــــــاك
ولا تبات بهم دنياك مظنــــــــــــــوك=ماطاب لك مادام لك وافتهــــــم ذاك
لو يطلبون اخفايك الناس ماخفوك=الرجل مثل النجم في كل الافــــــلاك
وصلاه ربي عد الاوراق والشوك=او ناض براق وما هل سفــــــــــــاك
على اللذي مافيه ريب وشكـــــــوك=محمد مادك بالقلب دكــــــــــــــاك

ومن ثم نستقرء قصائده من حيث الترتيب الاولي :

تسمعو مني غريب المثايل=دلايل ياوي والله دلايل
عن المجالس بين كل القبايل=من سمعها يجلس ضميره لمعناه
اقولها بعد ماقبل مشيبي=وبعيد شوفي قام يدني قريبي
ارجيك يالباري تمكن نصيبي=ياقابلٍ سوال عبده ونجواه
يالله ياوالي علي كل والي=يامخلصِ شرباك من كان مالي
ياللي علي سبع السماوات عالي=ياخيرٍ كل القبايل برجواه
بسئلك يالله يارافع الشان=تلطف بحالٍ من الوقت عمسان
اول شبابه فات ماجاه ورعان=ومادبر المولي علي العبد يرضاه
يارب تلطف بي علي قدر حالي=ترحم توالي شيبتي بالعيالي
اطرب الي صاحو أبيتي قبالي=والرزق عند اللي عبيده ترجاه
الرزق مكتوبٍ بعالي جبيني=لو طرت غير اللي كتب مايجيني
يارب ثبت خاطري باليقيني=وعن نزعت الشيطان والنفس مغراه
لين تكمل شيبتي مع الشبابي=وانا علي الراحه وكسب الثوابي
وعن دعوتي ماصك مولاي بابي=يالله يالمطلوب يالله يالله
وان جو علي هجنٍ بعيدٍ مداهم=عساي اباشرهم وقوم برضاهم
وابسط لهم كفي وعجل قراهم=تقفي نضاهم ماتهازلت بقراه
والجار جعلي ماغضبه دوم دامه=ولا يشتكي مني دروب الملامه
وإن قل ماله شلت عنه الغرامه=عساه مايشنا جنابي ولا اشناه
رفيقي الداني الي شفت حاله=اخشر ابمالي عيلتي مع عياله
جماعة السنه ودرب الشكاله=ونبينا اوصانابها من وصاياه
يالله عساني تابعٍ كل ماقال=وبحق ماحرمت سورة اقرا والانفال
عساك تهديني ماجي درب الاضلال=ياللي جميع الخلق يسعون لرضاه
انك علي دين الرسول تهديني=تجعل علي السنه والاسلام ديني
وتعمني في دعوة المسلميني=باكر نهار الحشر يوم المناجاه
يوم الجوارح يشهدلك بماصار=تشهد علي ماصار من غير تغيار
في ماقفٍ ماتنفعك فيه الاعذار=الا عملك مقيدٍ لك وتقراه
مكتوب لك باللوح يقرا وتوحيه=عملك كان هو طاب تاتي حواليه
ويسر حالك يوم يصدع بما فيه=وتندم علي انك زايده يوم مبداه
حتي تصير بمنزل الخيريني=اهل التقى والزهد والصالحيني
اللي بدار الخلد مستانسيني=هو منزل اللي راضين عنه مولاه
دارٍ بها كل الابد في كرامه=مخلدٍ معاد فيها غيامه
ومع الصراط ان جاء وراح بسلامه=وبان الفرح به بعد يبست شفاياه
شاف القصور العاليه والمباني=امزخرفه وترابها الزعفراني
وللحور تنظر كاسبين الحساني=كلٍ تخير زوجته وهي تنصاه
ابكار مافيهم عجوزٍ كبيره=ايضا ولا وحده تذكر صغيره
الرب سوا خلقهن في بصيره=لعباده اللي جدو السير لرضاه
ابكار طول اعمارهن يامساكين=اسنينهن سبعه وسته وعشرين
مامنهن اللي صار دون الثلاثين=لاوهنى من نالهن عقب دنياه
هذا الذي قلبي يحبه ويغليه=في حب غيره خاطري ماشقى فيه
يارب ترزقني علي قدر مرجيه=امين يامضفي علي الناس حسناه
والختم صلى الله علي احمد واله=نبينا اللي شهد له بالرساله
وهو بظهر ادم بليا محاله=والرسل قبله تعترف له وترضاه

ـــــــــــــــ

البارحه ماذقت ماذاقو الناس=مجمع ٍ بالصدر هم وهواجيس
كني عليل مسهره ضرس الاضراس=والا فطيم فاقدٍ لذة الديس
لادك في قلبي من الهم هوجاس=حطيت فوق النار زين المحاميس
وحمست مايجلي عنا الهم وعماس=بنٍ من النيبار يجلا الحواسيس
يشبه خضاب منقشت زرق الالعاس=اللي تخضب كفها بالقراطيس
اسهر علي الدله وماصب بالكاس=وتاخذ علي هجوس بقعا مراويس
اسباب من عينه كما عين قرناس=عين الحرار من الوحوش القرانيس
تنهظت للجول بالقفر غطاس=وعقب الطرب حطت عليهم نواعيس
لا وهنى من هرجه عقب الارماس=علي ظهور مرودمات النسانيس
هجن ٍ لفا من يم ديرة بني ياس=بواطن تزها جديد الملابيس
يشدن ريمٍ ذار من حس الاوناس=بيدا بداويه عليهن عواسيس
اخذلهن مع جلعد الدو مرواس=من حس صفق مضوربات النواديس
يلفن علي كنها ضبي الاطعاس=عندي ولو تلبس ثيابٍ هداريس
وذاك لو يلبس جديدات الالباس=كن الذهب فوقه نحاس وتفاليس
اهرجه عقب المغيبه من الراس=ماهو بحبرٍ فوق صاف القراطيس
واقول له ياصاحبي عدم الاجناس=خذ هرجة اللي ماهرجلك بتنجيس
وياك تاخذ هرجة اشرار الانجاس=اللي تودى الهرج مثل الاباليس
وصلاة ربي عد ماصلو الناس=علي تبيٍ سيس الحق تسييس

ــــــــــــــــ

يالله يافكاك من حبل الادراك=اللي عبيدك ترتجي فضل جودك
تفرج لمنهو يرتجي فضل حسناك=انت الذي ماكل شيٍ يكودك
مانيب في رجوى حدن غير رجواك=ولا راجيٍ زود يجي غير زودك
تلطف بحالي يارجا من ترجاك=وانك تساعدني بطيب سعودك
انا الذي مستاجب العفو لرضاك=وانت الذي مضفي علي الخلق جودك
الي نويت العبد شيٍ من اشياك=سقت القدم به لين ياصل وعودك
ندور في دور السعاده بالافلاك=وتبرني برت وعد من وعودك
انت الذي ما زارو البيت لولاك=خوف ورجا محدن تجاوز حدودك
ماهيب تحصا منك يالله عطاياك=ومدتك مابه منةٍ من حسودك

ـــــــــــــــــــــــــ

كلٍ تهنا بنومه عند مضنونه=وانا عيوني طوال الليل سهرانه
ماجابت الورق اجيبه وابدع لحونه=ويذكر القلب الاقشر شوف خلانه
ابا تصبر وقلبي باح مكنونه=لولا اتنهات قلبي ضاع برهانه
علي وليفٍ طعوس السر من دونه=بالسر جعل الحيا يزيه بوطانه
عن جملة البيض فيه النفس مفتونه=عرضت عن جملة الخفرات من شانه
مايسمع القلب والله لو تعذلونه=مفتون قلبي بها والنفس طربانه
العين ماهي بتشقي حدن دونه=وضيفانهن في ايديهن مالها خانه
ياشق جيبي يوم الباص يمضونه=ومن كل مايشتهي يشرون غرضانه
ومن فوق فرتٍ مع السكه يسوقونه=واللي يسوقه فهيم بقضب سكانه
نهار ثالث ورعانه يحاكونه=وخلي يفرق علي ورعان جيرانه

___________________

يحول انا من جروح القلب والحب ياحول=عزاه عيني من الفرقا وانا اقول وش صار
اذكر زمانن مضى يطري علي البال واقول=ياناس انا اللي عليل القلب كني علي نار
سبحان من غير الدنيا علي كل مجمول=هذي حياة المولع لاتلومونه بالاقدار
ياليتني مستريحٍ من هوى كل مدلول=عليه اجاوب حمام الورق لاشك صبار
يالله لاتقطع المشفي من اللي قال له قول=حالي براها قوي الحيل والحب غدار
صحيح انا ياحبيبي خاطري منك مشغول=وانت السبب ياوزين الروح والحب تذكار
العام يوم انت معزول وانا عنك معزول=يالله لا تجعل الفرقا علينا يالاخطار
ترا الغلا لا حصل هرج من الناس منقول=حسبي علي اللي سعو مابيننا في كشف الاسرار
اللي عليه تغلا وانت يازين مقبول=خل المحبه طويله وترك العيب والعار

______________________

البارحه ماطبق الجفن بالنوم=كثرت هواجيسي وزادت همومي
كني رضيعٍ عن حلا الديد مفطوم=والا غريبٍ حط في حبس رومي
حطوه في وسطه وهو كان مظلوم=لاسلم من سوه ولا داس لومي
ما كتب لك يالعبد باللوح ملزوم=ان ما وصلته جاك لازم لزومي
وانا بدبرة فارض الحج والصوم=راضٍ بتدبير الاله الرحومي
ومن عقب ذا ياراكبين علي كوم=حراير فوقه سوات الرجومي
من فوق مايقطع زما كل مزموم=دوجٍ يلين قاسيات الحزومي
الي اشتغل يقعدك حسه من النوم=مثل الرعد في مدلهم الغيومي
خله مع السكه ولانته بمليوم=لاصرت في ممشاك راعي لزومي
يمشي عقب باكر وباكر مع اليوم=مشي الرخا ماهو بمشي امهمومي
ملفاك قصرٍ فيه للجود ميدوم=داف الشحم تلقاه لوهو معدومي
خوالي اللي طيبهم دايم الدوم=بدرب المراجل ماعليهم اثلومي
في قصرهم ملفا للاصحاب والقوم=لاشح في ماله ردي العزومي
سلم عليهم قبل تعطيهم علوم=سلام احلي من حليب الردومي
واللي بقلبي داخل الخط مرقوم=مني اليهم بالسلام مختومي

__________________

البارحه ماطبق الجفن بالعين =ولا مسها جفن العنا كود بارماش
سهرت عيوني والمخاليق نيمين=من واهج باقصى الحشى حرق الجاش
عزي لمن مثلي تجلا من الدين=خلا حلاله لديايين وانحاش
قعد حسرٍ في بلاد ابو عينين=الكيس خالي والبحر مابه عراش
ياراكبٍ حمرا بها جملة الزين=بد الشداد لكورها مابعد ناش
مامونةٍ تمشي علي العسر واللين=والعصر ممشاها ورا هاك الاوراش
صبح الثمان تنوخ العصر بالعين=تعبانةٍ من عقب مسرا ومغباش
سقها وقلطها علي الربع الاثنين=الكل منهم كفه الطيب قد حاش
ماهو حدث لقيل نعمٍ بالاخوين=ورث لهم ماجاهم المدح ببلاش
من شايبٍ ماعظ بد القريبين=ولاهوب لوجيه الموالين خماش
خوفو من الله يوم عرض الموازين=برسالةٍ منها اقبل الزاد واعتاش
زبدة كلامي مع ذلول المعنين =وارجي مراديده مع ادناة طراش

____________



ونختمها بهذه الرائعه الغزليــه :

الا ياعيوني مايفيد النظر والشوف=تكـــافي وكفي لاتــــراعين ياعيوني
تكافي كفاك مكايد الجادل الغطروف=ابو وجنة فيها اشهر الموت مقروني
انا اشوف شوفك واتمنى وانا مشغوف=من اللي سلب عقلي على غير قانوني
لحظني بعـــين كن فيها نمــش وسيوف=وقع مابكفي واختلط وانصفق لوني
اخذني جهار اكبر ضحى والعباد وقوف=انادي بصوتي والعرب تقل ماوحوني
تبي ذبحــتي ياريم وادي سكاكا الجوف=حسيبي عليك مصــرف الخلق والكوني
تعرض غريب نازح عنــد ابو رفروف=ورى دار قاره يقنب الذيب من دوني
الا واعذابي منك ياضامر السرجوف =شبكني هــواك وبيح الحــب مكنوني
الا يازريف الطول انا ازهمك بالمعروف=بعد عونة الله منك انا برجي العوني
دخيـــلك تلبي دعوة من ثلاث حروف=طرف ساعة افرح بهــا وانت ممنوني
اريــح ضمير بالهـــوى مولع مشغوف =من الله خلقني بالغنــادير مفتــوني

مع تمنياتي ان تنال على استحسانكم

بحث واعداد

اخوكم

عباس مشعل الشيباني

[عامر بن صعصعه]

الله يبيض وجهك يبن مشيب

موضوع والله اني اقراه وما دريت الا وانا مخلصـه

وجذبني فالموضــــوع التسلسل والترتيب حيث انه يبدأ بحياته وينتهي بقصايد كلهـا حكـم

بارك الله فيك وفيمـا كتبـت

تحياتي .. ( الـسبيعـي )

[ابوبجاد الرويس]

مشكور اخوي عباس مشعل الشيباني

وبيض الله وجهكـ

وجهد تشكر عليه يالذيب ,,,,,,,,,,,,,,,,,,,,

[عباس مشعل الشيباني]

تسلم والله اخوي عامر على مرورك واطلاعك وتشريفك للموضوع


وهدفنا الاول والاخير تقديم المعرفه للغير لا اكثر

مع تمنياتي لك بالتوفيق الدائم

اخوك

عباس مشعل الشيباني

[عباس مشعل الشيباني]

العفو اخوي ابو بجاااد

مرور متميز كطله متميزه

مع تمنياتي لك بالتوفيق الدائم

اخوك

عباس مشعل الشيباني

[s7man]

ابن شريم شاعر متمكن كل شعره حكم
شكر أخي عباس على ذوقك الرفيع

الأخ عباس الشيباني

تحدثت عن علم من أعلام الشعر

وقامة من قاماته

أمتع الدنيا بقصائد تكاد لاترى في هذا الزمان

وضع بصمته المتميزة في طواريق الشعر وألحانه

وأعاد للشعر هيبته وهيلمانه الذي كان عليه

أتمنى،،،،أن كل شاعر يطلع على سيرة هؤلاء الأفذاذ

ليأخذ الخبرة في زمن انعدمت فيه الخبرة

وأصبح الشعر عالة على قلوب الناس

لك شكري وعميق مودتي

أخي مشعل فلقد أتحفتنا بدرة من دراري الشعر

وتقبل مودتي

ابن عصيم الحلحلي

[شوردي العتيبي]

يعطيك الف عافيه يا عباس مشعل الشيباني ...
وبارك الله فيك يالغالي ...
تحياتي لك ...

[عباس مشعل الشيباني]

[align=center]تسلمون اخواني على مروركم الكريم


مع تمنياتي لكم بالتوفيق الدائم


اخوكم

عباس مشعل الشيباني[/align]