 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
04-Jan-2003, 12:41 PM
|
رقم المشاركة : 1 | |||||
|
مرثيه في ابو غازي التوم
مرثية في المغفور لة ان شاءالله
الشيخ/عبد المحسن التوم البارحة ليلي هواجيس وهمـــــــوم *** وروابع مرت عليه عديـــــــــــده وعيني قزت مالايمت لذة الـــــنوم *** لين اشرقت شمس النهار الجديده وانا بسهر الليل مانيب ملــــــــيوم *** دام العلوم الي لفتني وكيــــــــــــده قالوا توفى الشيخ ابو غازي التوم *** قلت اشهد ان الموت اخذله ولـــيده عزالله انه راح من روق زمزوم *** وعزالـــله انه في عتيبــه فقيـــــــده ركن من اركان القبيلة على الدوم *** يعرف بحرات الليـــال الشــديــــده ركن من الهيلا غدا اليوم مهدوم *** ركــن هـوا من بعـد ميتـه عميـــده حر مواكيرة على راس مزموم *** في شامخ في راس عبطا شديـــــده شيخ يهوم المرجلة والعلا هوم ** من طلعته كنز المراجل رصيــــــده مالفى الرجال وبالقسى يذبح الكوم *** ومشاهد الخطار ريفه وعيــــــده بيبان قصرة مابعد غلقت يوم *** من يوم شيدت ماتلاقا حديـــــــــــــده ومجالسة فيها الحطب دوم مشعوم *** نار توهجفي وجاره وقيـــــــــــــده صف الدلال بجالها عقد منضوم ***ونجر يخامس كل حمسة جديـــــــده وبرية تجلا عمس كل شغموم *** ومعها خلاص وسكري مع فريـــــــده فعل لبو غازي مشاهد ومعلوم *** جود عليه الخلـــق تنظـــر شهيــــــــــده شيخ حكيم الراي مبداه مفهوم*** لاكثرت الاريــــا فعنــــده ســديـــــــــــده رجال عرف ومنطقة دوم محكوم *** اليا هرج من يسمعــــه يستزيــــــده فالدين والا في سواليف وعلوم *** وشعر النبط والا فصيـــح القصيــــــده فقيدة حتى على نايد القوم *** يبكية حتى الـــي من اقصــى بــديــــــــــــــده من جاه لو من نايد الناس ملزوم *** يقوم معـــه ويلحقــــه مايــريــــــــــده يفزع معه فيما سعى فيه ويقوم *** قومة عضيدٍ مايخيب عضيـــــــــــــده كم روح محور من الهم مضيوم *** حاله اسباب المـــصايب لبيــــــــــده لا نام معه بكل همُات وعزوم *** من شر لوعات الـــدهـر فــك قيــــــــده ياما بميقافه جلا هم مهموم *** وبدل حياته عقـب همــــه سـعـيـــــــــــــده وياما بجاهه فك كربات محكوم *** حكم القصــاص مكـبل في حـديــــــــده واقف على التنفيذ والوضع محسوم *** وفشلت بموضوعه مساعي عديده مشا بموضوعه بجاهات وسلوم *** بحسن النوايا والعلـوم الحميــــــــده جاب التنازل من خصيم المخصوم *** وهانت بعون الله دعاوي كويـــده وياكم من ام جرحها كان مكلوم *** على ضناهــا من بكاهــا جهيـــــــــــده جابه لها واطفى لظى هم مكتوم *** لاضمتة عقب أيســت تسـتعيـــــــــــده ودت يديها فوق والكف مضموم *** صوب السما وقت التهجد وحيـــــده تدعي مجيب دعا مسافر ومظلوم *** يعظم لابو غازي بلأجر ويزيـــــده مرحوم يامنهي عدم كل معدوم*** بجزايــل هــي عنـد نفسـه زهيــــــــده لبن القضى لوهو على الناس محتوم*** عن مثل ابو غازي خذاله هميـده لبنه عن اهل الجود يختار لرخوم *** من ناس لو عاشت فلا هي مفيـده وخلا الرجال الي هي مشاكيل وقروم *** امثال ابو غازي سنين مديـــده حيث ان مثله تقصده ناس وـــتروم *** في كل ما اعسرهم تنصوه سيــــده مثل الجدي به يهتدي كل منجـــــوم** * كم ناس لو هو عايش مستفيــــــــــده يالله يالي جاعل الرزق مقســـــــوم*** يامنزل القرآن هدي وعقيــــــــــــــــده تحسن عزا اهله والعزا فيه لعمتتوم *** عتيـــــبة الهــــيلا يموت الفقيـــــــده وعساه في رحمتك يارب مرحـوم *** واغفر ذنوبه ياوليه وسيــــــــــــده وعساه في قبره مكرم ومحشــــوم **** ويمد لحده لـــة مسافــه بعيــــــــــــده ويعطى له كتابة بيمناه في يــــــوم*** يحكم به المولى مصاير عبيــــــــــده وعساه من تارك محرم ومعصوم *** وله في جنان الخد دار مشيــــــــده وعسا البقا والعز من بعده يــــدوم * ** بكل الرجال اهل العقول الرشيــــــده الي مربيهم على نهج مرســـــــوم *** للمرجله والكل منهم يجيـــــــــده وازكى صلاة بها القول مخـــــتوم *** على النبي راع الصفات الحميــده الشاعر/////////محمد ابو نياه الحربي واعذروني اذا كان في بعض الاخطاء الأملائيه لان عيون تصفقة من كثر ماني مبحر في الشاشة مبحر: يعني اناظر وسلامتكم |
|||||
|
|
|
|
|
|
|
|
|
|
04-Jan-2003, 10:24 PM
|
رقم المشاركة : 2 | |||||
|
وانا بسهر الليل مانيب مليوم & دام العلوم اللي لفتني وكيده
قالوا توفى الشيخ ابوغازي التوم & قلت اشهد ان الموت اخذله وليده رحم الله الشيخ ابوغازي واسكنه فسيح جناته تسلم يمينك >> الدلبحي لاهنت على اختيارك هذه القصيده وصح لسان الشاعر |
|||||
|
|
|
|
|
|
|
|
|
|
|
05-Jan-2003, 01:59 AM
|
رقم المشاركة : 3 | |||||
|
عــــــــز الله انه راح من روق زيـــــــزوم
وعــــز الله انه في عتابه فقيــــــــده وعــــز الله انه في عتابه فقيــــــــده وعـــــز الله انه في عتابه فقيـــــــده الله يرحم الشيخ عبدالمحسن التوم والعوض انشالله في عياله |
|||||
|
|
|
|
|
|
|
|
|
|
|
05-Jan-2003, 11:52 PM
|
رقم المشاركة : 4 | |||||
|
الله يسمع منكم
ويرحمه ويسكنه فسيح جناته ومشكورين على مروركم الكريم |
|||||
|
|
|
|
|
|
|
|
|
|
|
19-Jan-2003, 09:09 PM
|
رقم المشاركة : 5 | |||||
|
عزالله انه راح من روق زمزوم *** وعزالـــله انه في عتيبــه فقيـــــــده
ركن من اركان القبيلة على الدوم *** يعرف بحرات الليـــال الشــديــــده ركن من الهيلا غدا اليوم مهدوم *** ركــن هـوا من بعـد ميتـه عميـــده حر مواكيرة على راس مزموم *** في شامخ في راس عبطا شديـــــده شيخ يهوم المرجلة والعلا هوم ** من طلعته كنز المراجل رصيــــــده ابيات يستحقها الشيخ المرحوم عبدالمحسن التوم شيخ الحفاه من الروقه الله يرحمه ويسكنه فسيح جناته وابداع من شاعر قدّم ابيات صادقه قويه مع انه لاينتمي إلى القبيله ويُشكر جزيل الشكر على هذه الوقفه النبيله والقصيده الجميله اخيراً ليس بوسعي إلا ان اشكر الاخ الدلبحي على المشاركه الطيبه ودمت للمنتدى عضواً فعالاً ومتميزاً تحياتي |
|||||
|
|
|
|
|
|
|
|
|
|
|
25-Jan-2003, 11:52 AM
|
رقم المشاركة : 6 | |||||
|
أحسن الله عزاكم
وجزاكم الله كل خير وتقبل دعاكم |
|||||
|
|
|
|
|
|
|
|
|
|
|
25-Jan-2003, 12:27 PM
|
رقم المشاركة : 7 | |||||
|
الله يسلمك اخوي الدلبحي على المرثيه
الله يرحم اموات المسلمين اجمعين |
|||||
|
|
|
|
|
|
|
|
|
|
|
25-Jan-2003, 06:29 PM
|
رقم المشاركة : 8 | |||||
|
االلة يرحم الشيخ عبد المحسن
انا شهد ان اعتيبة افقدت الامير عبد المحسن اللة يرحمة ويسكنة في فسيح جناتة
|
|||||
|
|
|
|
|
|
|
|
|
|
|
25-Jan-2003, 10:20 PM
|
رقم المشاركة : 9 | |||||
|
لا وقليلة في حقه
الرجال الي يعد فضوله مهو عيال قبيلته الا من كل القبائل ولا احد ينكرها الله يرحمة ويوسع له في قبرة مثل ماوسع لناس كثيرين والله يشمانا واياه بواسع فضله واحسانه ومغفرته مشكور اخوي الدلبحي اخوكم: خازم |
|||||
|
|
|
|
|
|
|
|
|
|
|
27-Jan-2003, 12:46 PM
|
رقم المشاركة : 10 | |||||
|
ولد الا وبيض
مشكور على مرورك وردك ============================== التوم اللهم امين ============================== ابن عصـــــــــــــــــــــــــــــــاي الله يسلمك ويعافيك ومشكور على مرورك الكريم واللهم امين ============================= بندر الله يسمع منك ============================ خازم حياك الله وياهلا ومرحبا ومشكور على مرورك والله يسمع منا ومنك |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
