الصمان موطن قبيلة مطير

[عامر بن صعصعه]

الـظـاهـر انـك مـنـت بـصـاحـي يـوم تـكتـب الـموضـوع ومـخـبط شوي .

وعـز الله انك ما صدقـت في كـل اللـي قـلتـه

بس مالك ذنب يالأجودي مـا خذ هالسـواه مـن ربـعـك اللي كـل سـوالفهـم سرق وتحريـف

---

أقتباس من كلام الـدويـش :
حدود الصمان : من جنوب غرب الخفيسة ووادي المهمري والتريبي وجوساقان وهي آخر صمان مطير من جهة قبيلة سبيع

---

وبـك مـتى عرفـنا يـالدويــش ان (( جـو سـاقـان )) لـمـطـيـر

وصـل فـيـك قـلـب الـحـقـايـق لـهـالدرجـه !!!!!!!!!!!!!!!!!!!

كذب عـيـني عـيـنك .. افـتراء واستخفاف .. تـزويـر وكـذب..تـحريـف وسرق

شـعـاركـ انـت وربـعـك يـالدويـــش

جـوســاقــان مـن ديـار سـبـيـع فـالـصـمّـان بـس الـظـاهر مـخبـط وانت تكتب الموضــوع يا مطيـري

ومـن ديـار سبيـع في الصمان :

( العيطليه ، العمانيه ، شويه ، الشملول ، جـوسـاقـان ، معقلـه ، الطيـري ... وغيرها )

والـصمّــان خـذوهـا سـبيـــع مـن ابـن عـريـعـر بـعـد ( مـنـاخ الـسبيـه ) هي ورمـــاح وذيـك الـديـار بـحد السـيـف غـصـبن بـلا طـيـب


ودوكـ هـالقصـايـد واظـن مـنـت بـفاتـح فـمـك بـعـدهـــا

*
*
قـصيـدة الـشاعـر الكبيـر /غـازي ابـن دخـيـل اللـه ابـن عـون وهي طويلة لكن بـجيـب منهـا هـالأبيـات ..

محوالهم مابين خــنزير وذقان = حطوا سدير يسـار والعــــارض يـمين
وفاضوا على دار عذيه وجيان = وغزوا عمود البــــــيت بين الحفيفين
مابين مطران وخوالد وعجمان = استوطنوها غصب ماهمـــب راضين
لولا فعل خضر النمش وادهم الزان = ان كان فيها ماســـتـقروا زمانين
اخذوا لهم دار ماهلها برديــان = لكن جا الشجعان ربع شــجيعين
( اخذوا من العارض إلى جو ساقان = والحاير لهم فيه غرس وبسـاتين )

ولاحـظ البيـت الأخيـر وقـصده ( الـصـمّـان ، ورمـاح واللي حـولـهـا )


وقـصيـدة الـشاعر الكبير / دسـمـان ابـن مـنـاحي المحمدي السبيعـي
وهي طويلة بعد لكن بجيب مـنهـا هـالأبيـات ..

أحسن محل في الجزيرة خذينا ه = بمثمرن لاصادم العضم يشـظاه
من فــوق حيل للمطارد مظراه = ويدرى خطرنا اللي وراء حد الاكراد
حنا هل الوديان وأهـل الجهامه = وعرق حمينا فيه بيـض النعامة
وايضا خذينا عصب نجد وسنامه = ولا جالنا الاعقب غـارات وطـراد
ما جالنا إلا عقب ضرب الاسنه = ومداحم الصالي ونــــتل ألاعنه
يعبا لنـا حرب وحرب نشـــنـه = فوق الاصايل متعبة كـــــل بولاد
خذنا من العارض إلى جو ساقان = بالسيف ما جتنا بتسليم الأثمــان
دار لهز عات العراقيب مقطــــان = تسمن بها شيبا القرأ قـبل الاذواد

وقـصيـدة الـشاعر والـفارس / عـجـران ابـن شـرفـي الـسبيعـي

حدر على الصمان للبرق رفراف = لابكر الوسمي على مستعده
ياماحلا العشب فالقفر لازاف = وجني الزبيدي في عذا كل خده
دارن لنا فيها مقيظ" ومصياف = ومشتا ومرباع وكل" نضده
دارن وليناها بــــحـد الاسياف = يوم كل" حامي" ورث جده
منها العتيبي نرفعه فوق قطاف = والدوسري عنها جنوب نحده
وراكان نقلعـــــه يم الاسياف = والا المطيري عارف" راس حده
لا جا نهار" فيه زوغات الاسلاف = ثم كل بد" قام يظهر لبده
لي لابة" ركبو على كل مزغاف = وتحيزمو من فوقهن بالاعده
يا جاهلن في لابتي منتا بعراف = حريبهم يمسي وكبده مضده
كم شيخ قومن لا نوا الله له اتلاف = من ضرب ربعي ياكل الرمل خده

وفـيـه قـصـايـدن واجـد بطول وانا اكتبها .. بس اللي ذكرتـه بيكفـي

.. تحياتي ..