يالشمالي لا تغيب

[علي فلاح العضياني]

انت ما يوم ما تكسب علاقة صحيب=والقدامى تقطّع في علاقاتها
يالشمالي بدالي فيك شكّه و ريب=اكثر الناس تعرف من حراكاتها

التوقيع

(( رأس الحكمه مخافة الله ))

[الشمالي الغربي]

العلاقات منها مايصيب ويخيب=زلت الاوله والثانيه هاتها
ان بدا في شكه باديٍ فيك عيب=عين نامت وعين تحق نظراتها

[الشمالي الغربي]

ذيب روق

هلابك



نورت المتصفح لاهننننننننننننننننننننت

[علي فلاح العضياني]

طيّب الله فالك لين فالك يطيب=كل ناسٍ بمذهبها وعاداتها
انت رامي لكن المخطيه ما تصيب=ليت ابوكم ما سرّا ليلته باتها

[الشمالي الغربي]

المذاهب بعضها حط فوقه صليب=كم رجال غر وفاتها فاتها
انت حظك مجنبك العسل والحليب=تتبع ام الكباير تحفظ اوصاتها

آخر تعديل الشمالي الغربي يوم 29-Jul-2007 في 01:04 AM.

[علي فلاح العضياني]

وقتنا منه ابو عامين راسه يشيب=كم رجالٍ تغيّر فيه نيّاتها
حسبي الله عليك اللي ما غيره حسيب=ناس كثرت نميمتها وغيباتها

[الشمالي الغربي]

الفالح ... اسهرتني والليل سرى استلم وصح لسانك وبيض الله وجهك..

وقتنا يسعف المرضان فيه الطبيب=من يغوص البحور يقيس غباتها
لا تشمت وتشمتني يهيب ويهيب=اكثر الناس ماتقبل صلاوتها