مهداه لصاحب السمو الملكي الامير خالد الفيصل - الهيـــــــــــــلا *** منتدى قبيلة عتيبة

سلطان بن ثعلي · 14-Jul-2007, 03:31 PM

بسم الله الرحمن الرحيم

بقلب مليْ بالاخلاص والمحبة ،هذه القصيدة مهداة لصاحب السمو

الملكي الأمير خالد الفيصل بن عبد العزيزآل سعود أمير منطقة

مكة المكرمة :

من سعود بن زايد بن ثعلي رئيس مركز متقاعد من امارة منطقة

مكة المكرمة

سلام الله على خالد ولد فيصل رفيع الجاه= امير الفخر امير المجد امير الشعر ديوانه
هلا يامرحبا ترحيبةًمن هاجس مهداه=عدد ما احرم من الحرم وطاف البيت واركانه
هلا والل وكفواًللثقة ويعيش من ولاه =على مكة وهذا المنصب اللي عاليً شانه
هذا منصب شرف تستاهله وانت الذي تزهاه=ورب يرحم اللي مات ويبقى لنا اخوانه
رحل عبدالمجيد وجاء محله واحد حلياه =ليا جاء خالد الفيصل يعوضنا بعمانه
هذا صقر الجنوب اللي رفع بالتنميه مبناه =وصارت درة بابهاء الحلل والفخر مزدانه
معاد ابهاء من ابهاء في بلاد الشرق لا والله=جعلها خالد الفيصل بسحر الفن فنانه
وجاء خالد يبى مكه يشيل العز في يمناه = وهو قد المهمه والثقه والعز عنوانه
بداء برنامجه واطاف حول البيت ومصلاه = طلب ربه يعينه والتجاء بالرب سبحانه
هذا من طيب ساسه زايد بالطيب من يبراه= ومنهو يستعين الله ليا من راد له عانه
وحنا نطلب المولى يثبت فالمسير خطاه =وربي يحفظه ويوفقه ويعز سلطانه
مدام انه بنى صرح الجنوب وطوره واحياه=وكل شاف بذله فالجنوب وشاف عمرانه
يبى يبذل لمكه كل جهده جاعله لله=ويجعل خدمة الحجاج والزوار هي شانه
حكيم ولا يوصى مار ابو متعب لها وصاه= لحيثه خادم البيتين والله خدمته زانه
خدمها واحتسب للاجر والتشريف من مولاه= يباها في نهار العرض تحسب له بميزانه
عساالله يحفظه ويديم عزه والسعد يبراه=فتح قلبه لشعبه وانفتح للخير بيبانه
عطا شعبه من الخيرات والرب اكرمه واعطاه= ملك عادل خليفه مسلمين العدل ميزانه
وابو خالد ولي العهد غيث نرتوي من ماه=يمينه بالكرم والجود طول الوقت مليانه
عسالله يحفظ الاثنين درع للوطن وحماه=ويحمي شعبنا وبلادنا من كل خوانه
وهلا حييت يا خالد بمكه واستعن بالله = وحنا لك مخلصين بصدق وامانه
وانا من لابة تفخر بخدمتكم وهي مسماه=ذوي ثعلي ليا نادى الوطن للموت عطشانه
لهم مع دولة آل سعود تاريخ محد ينساه =من اول دور لآخر دور خاضت كل ميدانه
ترى من حد ينبع للحديده يوم اراد الله=مشو بالرايه اللي جاء لها فالقوم دندانه
على اول دور يوم سعود الاول جدنا خاواه=وعلى عبدالعزيز ايضا وحنا خير عوانه
نبى نبقى ليا اخر عهد الله صراحة صدق ثم والله=نصادق من يصادقهم وعدوان لعدوانه