رسالة شاعر مطيري إلى عتيبة - بعد شاعر المليون

[شامان]

..

هذه القصيدة لشاعر مطيري اسمه (تركي الديحاني) والتي يذكر فيها

أن ((عتيبة ومطير)) أكبر من أن يوقع بينهما برنامج مادي (شاعر المليون) .

وأنا من هذا المنبر أشكر الشاعر على رجاحة عقله ، وعلى سعيه لجمع كلمة القبيلتين العزيزتين :

( عتيبة الهيلا و مطير حمران النواظر ) ، واليكم القصيدة :

ياشاعر المليون حطمت الامال=منت الطموح اللي نبيه ونريده
سببت لك فتنه على روس الاقذال=وراحت ضحياها القلوب البليده
ناسٍ تحسب المسأله ساحة قتال=وكلٍ على الثاني يحد الحديده
ياناس ياعالم هذا الحكي بطال=والمسأله مغير ذوق وقصيده
الشاعر اللي يعجبك كل ماقال=أرسل على شانه رساله وحيده
فزعاتنا ماهي بتصويت جوال=فزعاتنا حطّت حكومه رشيده
حنا قبايل نجد ذربين الافعال=أصغر ورع فينا عن امية وليده
وياعتيبه الهيلا صناديد الابطال=حنا مطير اهل العلوم الفريده
حنا سما عالي كما الغيث همال=وانتو الجبال الراسيات الشديده
وانتم فعايلكم تـدرّس للأجيال=وحنا وصلنا للنجوم البعيده
رجالكم على العدو سيـف سلال=ورجالنا دايم عدوّه فقيده
انتم وحنّا كالبناخي مع الخال=الطبع واحد والعلاقه وطيده
مطير وعتيبه تقل نسل رجال=كل البدايد تعتبرنا بديده
وان عودت شعر وقوافي وموال=انتم عواميده وحنا رصيده
شعاركم اهل الجزاله والامثال=وشعارنا الشعر نفسه تزيده
فيكم حبيّب والفحل ابن هذال=وفينا سعد سلطان وتركي الوليده
شعار صح وابياتهم كلها اجزال=وقصيدهم يزيد سعر الجريده
نبقى على روس النوايف والاقذال=وياشاعر المليون ماهي جديده
مطير والعتبان حطّووك بالعال=ومن دوننا رصيدكم عالحديده

للأمانة : مـنـقــول



تحياتي ،،،،،،

[قادح شرار]

عسى ربي يعطيك طولت العمر يا أبو شمروخ أنت وتركي الديحاني
ويا ليت مطير تشيل الالفين وتحط الديحاني مكانه لانه اتوقع يصبح خليفة شليويح بن شلاح المطيري.





تحياتي وتقديري

[راعي الكريسيدا]

ارى ان ما يحدث الان من مهاترات بين عتيبه ومطير لا يرضاه عقل ودين خاصه في الرسائل على قناه الواحه والساحه لماذا هذه العصبيه القبليه بينهم وانا متاكد انها تاتي من صغار السن فقط اما الكبار فهم اكبر من هذا

[ابوبجاد الرويس]

عسى ربي يعطيك طولت العمر يا أبو شمروخ أنت وتركي الديحاني
ويا ليت مطير تشيل الالفين وتحط الديحاني مكانه لانه اتوقع يصبح خليفة شليويح بن شلاح المطيري.

[طلال البلط]

لو يفكونا من تركي الالفين والجلاوي كان الناس بخير

[الهراني المقاطي]

والله انك صادق يا طلال تركي 2000 والجلاوي لو يفكونا منهم

شعرن سامج ولا جت الملعبه معروف

وش يبى يقول حنا سوانا وحنا فعلنا

تقبلو تحياتي

[(@&الــثــبــيــتــي&@)]

الجلاوي فحل من فحول الشعر غصب عن الي مايرضى
ومشكور ابوشمروخ الحافي

[ماجد النايف]

عسى ربي يعطيك طولت العمر يا أبو شمروخ أنت وتركي الديحاني

[نـاصرالهمهم]

والله إنك صادق يا ولد العم، الجلاوي فحل من فحول الشعر غصب عن الي مايرضى، وصح لسان الديحاني، ولا هنت يالحافي ومشكور على هالنقل.






أخوكم/ نـاصر الهمهم

[شامان]

..

ياهلا ،، ومرحبا .....

حياكم الله يالربع ،، وشاكر لكم مروركم وردودكم الرائعة .


أخوكم/ أبوشمروخ الحافي ،،،،،