اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
06-Dec-2003, 08:48 PM | رقم المشاركة : 1 | |||
|
رد على القصيده التي تسب البدو
هذه القصيده للشاعر / عبدالله نجر العصيمي رد على احد الشعار الذي سب في قصيده له البدو
ابدا بذكر منزل الكوثر وياسين * * والواقعه والزلزله والقيامه ومن بعدها يامعنونين العناوين * * عنواننا ركب الشداد المسامه حنا سهم وبعير وحصان والضين * * نرعاك معها والرعيه لزامه واقصدك ياللى تكره البدو ياشين * * وكلٍ مواخذ عن جريرة كلامه ياناقص التفكير مثلك كريهين * * مثلك مايعرف من حلاله حرامه وياللى تسبون الرعا والرعايين * * موسى رعى في مدين اغلب اعوامه عشر الحجج أو قل ثمان من سنين * * تشهد على اصلك ماتغير نظامه ثم الغنم كم قد رعوها النبيين * * افضل بشر هم قدوة افضل زعامه وياحضر اصل جدانكم الاولين * * بدوان واللى ينكر اصله هلامه واللى ما يعرق في البداوين من وين * * يسلسل اصله في العرب ياندامه حكامنا اصل البداوه وذا الحين * * اصل الحضاره والتقدم علامه زاروك ياسطح القمر ومتعلوين * * وضموك يارض الحجاز وتهامه وإن شيتهم بدوان هم متبدوين * * وإن شيتهم في الحاضره هم تمامه ثم المسلسل لو هو إخراج سرجين * * لا صار يحكي عن زمان القدامه جابه على اشباه الرجال السلاطين * * اهل الكرم بدوان واهل الكرامه وسيوف وخيول تدك الميادين * * حتى هبيل القلب يهجر منامه والعز والله في خطام البعارين * * عز الفتى ريمان قضبة إخطامه سفن الصحاري عزوتي يامضانين * * نوار قلبي عن غشاوة ضلامه موايد الله لليتامى المساكين * * وعز الرجال اهل الفخر والزعامه وإن كان تجهل في البعارين تمرين * * فالزير في حرب البسوس اهتمامه عشرين عام وعقب عشرين عشرين * * والحرب من شان البسوس احتدامه هذي عوايدنا من سنين ودنين * * جود وشجاعه والطنا وابتسامه و إن كان ما املك في البنوك الملايين * * قلبي كبير والصخى هو مرامه والطيب من البدو و الحضر جزلين * * كل يسوقه للجميله عرامه وإلا انت نقص مطفف في الموازين * * ولا يستحق إلا انت صطل القمامه وياميقض الفتنه وراقد قل امين * * عساك ولنيران فتنتك خامه عساك في قبضة يدين النشيطين * * مثلي ماتخطي الراس حذفة سهامه حنا الكرم والعلم والحلم والدين * * حنا العرب والاصل فينا الشهامه حنا عقل وإن جاء المزاحم مجانين * * نحرس وطن والعز نبني خيامه ننفث على العدوان سم الثعابين * * ولاعاد ينفع كي ولا حجامه حنا كعامك يالردي والرديين * * مثلك نوردهم لبحر الندامه والبدو يالخايب سواة الشياهين * * لطيروبك ماعليهم ملامه اللى على مداوى السقيمين ضارين * * بالنار نرسم لك على الوجه شامه عسى اللى اعمى القلب يعمي لك العين * * ويخرس لسانك عن اهل الاستقامه حنا حضر حنا بدو ومتحضرين * * ولاينكسر للبدو والحضر هامه والا انت نستبعدك ومن البعيدين * * عن حضر والا بدو مالك علامه اصلك حقود ومن عداة بغيضين * * مالك دروب الا دروب الرخامه تبي تشب النار بين الفريقين * * تبي السلامه ماحصلك سلامه والحضر هم والبدو لا شك فرعين * * لاصل العروبه والكرم والقرامه والناس لادم ماختلف فيهم اثنين * * يجمعهم الاسلام حب وكرامه واللى بقو برا اخوان الشياطين * * من بدو والا حضر والا فخامه وحسابهم عند الولي مالك الدين * * في يوم عرض اهوال يوم القيامه |
|||
|
|
06-Dec-2003, 09:24 PM | رقم المشاركة : 2 | |||
|
صح لسانك ولسان الشاعر ومشكور على القصيده
اخوك ابو بندر الشيباني |
|||
|
|
07-Dec-2003, 10:39 PM | رقم المشاركة : 4 | |||
|
الى ابن العم...............سفينة المجد
صح لسانك ولسان قايلها
مع تحيات اخوك :- مطلق الشيباني ................................. |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|