اشهر ساحران عرفتهم الاحساء

[][][الهراني][][]

بسم الله الرحمن الرحيم

اخواني اعضاء المنتدى :السلام عليكم ورحمة الله وبركاته..

هذه قصة ساحران اشتهرا بسحرهما مع تفاوت زمنهما..

اولاا ابدا بقصة الساحر ((فهد بن جلال))


في وقت مضى كان هناك ساحر معروف لدى بعض اهالي الاحساء لانه لا يشهر في سحره ولا يستعمله في اذيت الناس وكان مجلسه دائما مفتوح للضيوف .
وفي يوم من الايام سمع به بعض البدو القاطنين في الجهه الشماليه من منطقته
وهم من قبائل المره فكانو كل يوم يجتمعون عنده ويبقون حتى وقت العشاء وكان يجلسهم في سطح منزله حتى يتسع لهم والجو فوق احسن ...المهم..
الرجال زهق منهم كل يوم كل يوم عشاء ما صارت وهو ما كان يقدر يطردهم لانه خايف منهم وعلى فكره في ذاك الوقت كان اهالي الاحساء يخافون من البدو خاصة ان في ذالك الوقت كانو الخوالد هم حكام الاحساء..المهم.. راح ابن جلال ووصى زوجته انهى تزيد الملح في الاكل ثم راح لهم فوق وحط العشى وقبل لا يسمو ويمدو يدهم للعشاء اسطف فوق جدار السطح اكثر من ثلاثين قطو اسود ويدء الموجودون بالاكل فقالو لابن جلال ياخي عشاك مالح فردة القطط السوداء في وقت واحد تكذبوووووووووون فرتعب الموجودين فهمو بالفرار والقطط تلاحقهم ووصل الخبر امير الخوالد وكان في منطقه اسمها العنك وتبعد عن الاحساء حوالي 130 كيلو المهم ارسل اليه بعض من جنده ليحضره فوصلو عنده وطرقو باب منزله فخرج لهم وقالو له الامير يبيك فاغلق باب منزله وراح معهم وهم في الطريق احس بالجوع فقال لهم فالنسترح ونتغدا فقالو له ما عندنا وقت ولا غدا فقال لهم استريحو وانا بجيب لكم الغدا فبداء ابن جلال ينادي بصوت عالي(( يامسعوووود هات الغدا)) فظهر لهم قط اسود يحمل فوق راسه سفره فيها خروف مشوي ودب الرعب ولاهلع في الجند فانزل ابن جلال الاكل من فوق راس مسعود القط الاسود فاختفى المهم امر ابن جلال الجنود انهم ياكلون معه فرفضو فهددهم اذا ما كلو معه راح يخفيهم فرضخو له وبعد ما تغدو ريحو كملو طريقهم للعنك.
ووصلو المغرب فبات هناك استعدادا لمقابلت الامير في الصباح.
واصبح الصبح وهذالامير جالس في مجلسه مع جماعته ونادا انهم يدخلون ابن جلال حتى يقتص منه. فاقبل ابن جلال مجلس الامير فقام له الامير يحي بيه ويسلم عليه فستغرب من هو موجود فاجلس الامير ابن جلال بقؤبه فبقي الامير ساكت وابن جلال ساكت لحد ما قربت الشمس من فوق راس الامير اي من الصبح لحد الظهر والامير ساكت وابن جلال ساكت والحاظرين مستغربين كيف الامير ساكت وهو كان يهدد انه راح ينفي ابن جلال من الشرقيه .
المهم اخيراا تكلم ابن جلال وقال يا طويل العمر استاذنلي ابا امشي فقاله الامير ماذون وحياك الله وقال للعنده كرموه وعطوه الي يبيه وطلع ابن جلال من مجلسه واتفتو عليه جماعته وهم يسئلونه وشفيك ساكت من اليوم وخليته يمشي بدون ما تعاقبه فرد عليهم الامير يقول: ما شفتو الي انا شفته من اول ما دخل وانا جالس في داخل فم اسد واشوفكم ولا اقدر اناديكم الحمدالله ان الله ستر وقالو له تبينا نروح ونذبحه فقال لا خلوه لحاله والله يفكنا من شره.

وهذي قصة فهد بن جلال واحفاده موجودين لحد الان في الاحساء.



والقصه الثانيه هي لمحمد الحكيم وهو شيعي وانشاء الله راح اذكر قصته في وقت ثاني حتى اتاكد من بعض الاشياء .
وشكراا.

[’’الفارس’’]

الله يكفينا شرهم

مشكوووووور يالهراني على القصه

[ابن مشيب]

والله مايلام امير الاحساء يوم تركة يروح , لان هذا الرجل مرعب , ويقول المثل البدوي ( افتك من الداب وشيرته ).

مشكور على هذة القصة المرعبة والممتعة في نفس الوقت يالهراني.

ونحن في انتظار القصة الثانيه.

تحياتي.

[ناصر العصيمي]

بعد التحيه

يعطيك العافيه على ماسردت لنا

ونحن في الانتظار ..


لا تطول ...

[][][الهراني][][]

مشكورين يا اخواني والحمدالله ان القصه اعجبتكم
والقصه الثانيه هذي جايتكم.